ତିନିବାହିନୀ ପାଇଁ ବଡ଼ ଧରଣର ଅସ୍ତ୍ରଶସ୍ତ୍ର କ୍ରୟ ପ୍ରସ୍ତାବକୁ ମଂଜୁରୀ ଦେଇପାରନ୍ତି ସରକାର
ନୂଆଦିଲ୍ଲୀ : ଆସନ୍ତା କିଛି ସପ୍ତାହ ମଧ୍ୟରେ ଭାରତୀୟ ପ୍ରତିରକ୍ଷା ବାହିନୀ ପାଇଁ ଏକ ବଡ଼ ଧରଣର ଅସ୍ତ୍ରଶସ୍ତ୍ର କ୍ରୟ ପ୍ରସ୍ତାବକୁ ମଂଜୁରୀ ଦେଇପାରନ୍ତି ଭାରତ ସରକାର । ଏଗୁଡ଼ିକ ମଧ୍ୟରେ ରହିଛି ଭାରତରେ ନିର୍ମିତ ଅସ୍ତ୍ରଶସ୍ତ୍ର ଓ କେତେକ ବିଦେଶୀ ଅସ୍ତ୍ରଶସ୍ତ୍ର ଓ ସାମରିକ ଉପକରଣ ।
Sambad is now on WhatsApp
Join and get latest news updates delivered to you via WhatsApp
ଆର୍ମି ଆଭିଏସନ କୋର୍ (ସେନାର ବାୟୁ ବିଭାଗ) ପାଇଁ ୩୮୦୦ କୋଟି ବିନିମୟରେ ଭାରତରେ ନିର୍ମିତ ୨୫ଟି ଆଡଭାନ୍ସଡ୍ ଲାଇଟ୍ ହେଲିକପ୍ଟର ଖରିଦ କରାଯିବ । ସେହିପରି ନୌସେନା ପାଇଁ ୧୭୩୫ କୋଟି ଟଙ୍କା ମୂଲ୍ୟର ଋଷିଆ ନିର୍ମିତ ୩୯ଟି କ୍ଲବ୍ ଆଣ୍ଟିସିପ୍ କ୍ରୁଜ ମିସାଇଲ ଖରିଦ କରାଯିବ । ପୂର୍ବରୁ ମଧ୍ୟ ଭାରତୀୟ ନୌସେନା ପାଇଁ ଏହି ମିସାଇଲ କିଣାଯାଇଥିଲା । ନୌସେନା ପାଇଁ ୧୦ଟି ପ୍ରହରା ଡ୍ରୋନ ଓ ସଫ୍ଟଓ୍ବାର ମଧ୍ୟ କିଣାଯିବ ।
ଅନ୍ୟପକ୍ଷରେ ବାୟୁସେନା ପାଇଁ ୧୦୦୦ କୋଟି ଟଙ୍କା ମୂଲ୍ୟର ଡିଜିଟାଲ ରାଡାର ଓ୍ବାର୍ନିଂ ରିସିଭର ମଧ୍ୟ ଖରିଦ କରାଯିବ । ଏଗୁଡ଼ିକ ସୁଖୋଇ ବିମାନରେ ବ୍ୟବହାର କରାଯିବ । ଆହୁରି ମଧ୍ୟ ସେନା ଓ ସିଆରପିଏଫ ପାଇଁ ୬ ଲକ୍ଷ ଏକେ୨୦୩ ରାଇଫଲ କିଣାଯିବ । ଏଗୁଡ଼ିକର ମୂଲ୍ୟ ପ୍ରାୟ ୫୧୦୦ କୋଟି ହେବ ।