ଗଙ୍ଗୋତ୍ରି ଧାମରୁ ଫେରୁଥିବା ବେଳେ ଖାଲକୁ ଖସିଲା ବସ୍, ଗଲା ୭ଜଣଙ୍କ ଜୀବନ

ଉତ୍ତରକାଶୀ: ଗଙ୍ଗୋତ୍ରି ଧାମରୁ ଫେରୁଥିବା ବେଳେ ଖାଲକୁ ଖସିଲା ବସ୍। ଗଲା ୭ଜଣଙ୍କ ଜୀବନ। ରବିବାର ଉତ୍ତରାଖଣ୍ଡରେ ଘଟିଛି ଏଭଳି ଘଟଣା। ମିଳିଥିବା ସୂଚନା ମୁତାବକ ଉତ୍ତରକାଶୀ ଜିଲ୍ଲାର ଗଙ୍ଗୋତ୍ରି ରାଜପଥରେ ଏହି ଦୁର୍ଘଟଣା ଘଟିଛି। ଦୁର୍ଘଟଣା ଘଟିବା ସମୟରେ ବସ୍ ଭିତରେ ୩୩ଜଣ ଯାତ୍ରୀ ଥିବା ବେଳେ ସେମାନଙ୍କ ମଧ୍ୟରୁ ୭ଜଣଙ୍କ ମୃତ୍ୟୁ ଘଟିଛି। ଏହା ସହ ଅନ୍ୟମାନେ ଗୁରୁତର ଆହତ ହୋଇଥିବା କୁହାଯାଉଛି।

ମିଳିଥିବା ସୂଚନା ମୁତାବକ, ବସ୍ ନମ୍ବର ୟୁକେ୦୭୮୫୮୫ ଗଙ୍ଗୋତ୍ରିରୁ ଉତ୍ତରାକାଶୀକୁ ଆସୁଥିଲା। ଏହି ସମୟରେ ବସ୍ ଚାଳକ ନିୟନ୍ତ୍ରଣ ହରାଇବାରୁ ବସଟି ଖାଲକୁ ଖସିପଡ଼ିଥିଲା। ଏହି ଘଟଣା ଘଟିବା ପରେ ଆହତଙ୍କୁ ଚିକିତ୍ସା ପାଇଁ ଡାକ୍ତରଖାନା ପଠାଯାଇଛି ଏବଂ ଏବେ ବି ଜଣେ ଯାତ୍ରୀ ବସ ଭିତରେ ଫସି ରହିଥିବା କୁହାଯାଉଛି।

गंगोत्री से उत्तरकाशी जा रही बस के गंगनानी में दुर्घटनाग्रस्त हो जाने से कुछ लोगों के हताहत होने का अत्यंत पीड़ादायक समाचार प्राप्त हुआ है। प्रशासन को त्वरित रूप से राहत और बचाव कार्य संचालित करने एवं घायलों के उपचार के लिए उचित व्यवस्था सुनिश्चित करने हेतु निर्देशित किया है।…

— Pushkar Singh Dhami (@pushkardhami) August 20, 2023

ଏହି ଦୁର୍ଘଟଣାର ଖବର ପାଇ ଏକ୍ସ(ଟ୍ବିଟର)ରେ ପୋଷ୍ଟ କରି ଦୁଃଖ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ।