କ୍ୱାଲାଲୁମ୍ପୁର : ବିବାଦୀୟ ଇସ୍ଲାମିକ ପ୍ରଚାରକ ଜାକିର ନାଏକ ପରି ବିଷଧର ସାପକୁ ନିଦ ଦେଶରେ ପ୍ରଶ୍ରୟ ଦେବାର ଫଳ ଭୋଗିବା ଆରମ୍ଭ କରିଛି ମାଲେସିଆ । ଭାରତରୁ ଫେରାର ହୋଇଥିବା ନାଏକକୁ ମାଲେସିଆ ସରକାର ସ୍ଥାୟୀ ନାଗରିକତ୍ୱ ପ୍ରଦାନ କରିଥିଲେ । ଏବେ ସେ ମାଲେସିଆକୁ ସମସ୍ୟାରେ ପକାଇବା ଆରମ୍ଭ କରିଛି । ନାଏକ ମାଲେସିଆରେ ରହୁଥିବା ହିନ୍ଦୁ ଓ ଚୀନା ଲୋକମାନଙ୍କ ବିରୋଧରେ ଦେଇଥିବା ବିଭେଦକାରୀ ବୟାନକୁ ନେଇ ସବୁଆଡୁ ବିରୋଧର ସ୍ୱର ଉଠିବା ପରେ ତା ବିରୋଧରେ ତଦନ୍ତ ନିର୍ଦ୍ଦେଶ ଦିଆଯାଇଛି । ତା’ବିରୋଧରେ ପ୍ରାୟ ୧୧୫ଟି ମାମଲା ଦାଏର କରାଯାଇଛି । ଏପରିକି ମାଲେସିଆ ସରକାରଙ୍କ ବିଭିନ୍ନ ମନ୍ତ୍ରୀମାନେ ତାକୁ ଭାରତ ପ୍ରତ୍ୟାର୍ପଣ ପାଇଁ ଦାବି କରୁଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ, ୨୦୧୬ରେ ଜାକିର ନାଏକର ସଂଗଠନ ଇସଲାମିକ ରିସର୍ଚ୍ଚ ଫାଉଣ୍ଡେସନ (ଆଇଆରଏଫ)କୁ ଭାରତ ସରକାର ନିଷିଦ୍ଧ ଘୋଷଣା କରିଥିଲେ । ଏହି ବର୍ଷ ଜାକିର ଭାରତ ଛାଡି ପଳାୟନ କରିଥିଲା । ୨୦୧୭ରେ ଏନଆଇଏ ପକ୍ଷରୁ ନାଏକ ବିରୋଧରେ ଚାର୍ଜସିଟ ଦାଏର କରାଯାଇଥିଲା । ଏନଆଇଏ ପକ୍ଷରୁ ଦାଏର ଚାର୍ଜସିଟ୍ରେ କୁହାଯାଇଥିଲା ଯେ ଜାକିର ନାଏକ ଜାଣିଶୁଣି ହିନ୍ଦୁ, ଖ୍ରୀଷ୍ଟିଆନ, ସିହା, ସୁଫି ଆଦି ଧର୍ମାବଲମ୍ବୀ ଲୋକଙ୍କ ଧାର୍ମିୟ ଭାବନାକୁ ଆଘାତ ପହଞ୍ଚାଇଛି । ତାହାର ଉତ୍ତେଜନାପୂର୍ଣ୍ଣ ଭାଷଣରେ ପ୍ରଭାବିତ ହୋଇ ଅନେକ ଯୁବକ ଆଇଏସଆଇଏସ ପରି ଆତଙ୍କବାଦୀ ସଂଗଠନରେ ଯୋଗ ଦେଇଛନ୍ତି । ଦେଶର ସାଂପ୍ରଦାୟିକ ସଦ୍ଭାବକୁ ନଷ୍ଟ କରିବା ଅଭିଯୋଗରେ ତା ବିରୋଧରେ ବିଭିନ୍ନ ଦଫା ଲଗାଯାଇଛି ।