ସମସ୍ୟାରେ ମାଲେସିଆ, ଭାରତ ଆମଦାନି କମାଇବା ପରେ କରୋନାଭାଇରସ ଯୋଗୁଁ ଚୀନକୁ ବିକ୍ରି ହ୍ରାସ
ନୂଆଦିଲ୍ଲୀ : ଭାରତ ବିରୋଧୀ ମନ୍ତବ୍ୟ ଦେବା ପରେ ବୋଧହୁଏ ମାଲେସିଆ ଉପରେ ଶନିଦଶା ପଡ଼ିଯାଇଛି । ପାମ ଅଏଲ ଆମଦାନୀ ଉପରେ ଭାରତ କଟକଣା ଲଗାଇବା ପରେ ମାଲେସିଆ ଭାବିଥିଲା ଯେ ଚୀନକୁ ରପ୍ତାନି ବୃଦ୍ଧି କରି କ୍ଷତି ଭରଣା କରିବ । କିନ୍ତୁ ଚୀନରେ କରୋନାଭାଇରସ ବ୍ୟାପିବା ପରେ ରପ୍ତାନି ଅନେକ ପରିମାଣରେ ହ୍ରାସ ପାଇଛି ଓ ଏଥିପାଇଁ ମାଲେସିଆରେ ପାମ ଅଏଲ ଦର ହ୍ରାସ ପାଇଚାଲିଛି । ଏହା ଫଳରେ ମାଲେସିଆର ପାମ ଅଏଲ ଶିଳ୍ପ ପ୍ରବଳ କ୍ଷତିର ସମ୍ମୁଖୀନ ହେଉଛି ।
Sambad is now on WhatsApp
Join and get latest news updates delivered to you via WhatsApp
ଗତ ଫେବ୍ରୁଆରି ୧ରେ ପ୍ରକାଶିତ ସରକାରୀ ବିଜ୍ଞପ୍ତି ଅନୁସାରେ ଅଶୋଧିତ ପାମ ଅଏଲ ଉପରେ ଭାରତ ସରକାର ୪୦ ପ୍ରତିଶତ ଆମଦାନି ଟିକସ ଲଗାଇଛନ୍ତି ।
ମାଲେସିଆର ପ୍ରଧାନମନ୍ତ୍ରୀ ମହାଥୀର ବାରମ୍ବାର ଭାରତ ବିରୋଧରେ ବୟାନ ଦେଉଥିବାରୁ ଭାରତ ମାଲେସିଆରୁ ପାମ ଅଏଲ କିଣିବା ବନ୍ଦ କରିଦେଇଛି । ଗତ ବର୍ଷ ମହାଥୀର କଶ୍ମୀର ସଂପର୍କରେ ଓ ନିକଟରେ ନାଗରିକତା ଆଇନ ସଂପର୍କରେ ମନ୍ତବ୍ୟ ଦେଇଥିଲେ । ତାଙ୍କ ମନ୍ତବ୍ୟକୁ ଭାରତ ବିରୋଧ କରୁଛି । ପୂର୍ବେ ଭାରତ ମାଲେସିଆର ବୃହତମ ଖାଇବା ତେଲ ଗ୍ରାହକ ଥିଲା । କିନ୍ତୁ ଭାରତ ଆମଦାନି କମାଇଥିବାରୁ ମାଲେସିଆର ଅର୍ଥନୀତି ଗୁରୁତରଭାବେ ପ୍ରଭାବିତ ହେବା ଆଶଙ୍କା ରହିଛି । କିନ୍ତୁ ଏହାର ଫାଇଦା ପଡୋଶୀ ଇଣ୍ଡୋନେସିଆ ନେଉଛି ।