କଂଗ୍ରେସରୁ ପ୍ରବଳ ଚାପ ପରେ ଇସ୍ତଫା ଦେଲେ ସିଦ୍ଧୁଙ୍କ ପରାମର୍ଶଦାତା ମାଲବିନ୍ଦର ସିଂ ମାଲି
ନୂଆଦିଲ୍ଲୀ: ଶେଷରେ ଇସ୍ତଫା ଦେଇଛନ୍ତି ସିଦ୍ଧୁଙ୍କ ପରାମର୍ଶଦାତା ମାଲବିନ୍ଦର ସିଂ ମାଲି | କଶ୍ମୀର ଏବଂ ଇନ୍ଦିରା ଗାନ୍ଧୀଙ୍କ ବିଷୟରେ ବିବାଦୀୟ ବିବୃତ୍ତି ଦେଇଥିବା ମାଲବିନ୍ଦର ସିଂ ମାଲି ପଞ୍ଜାବ କଂଗ୍ରେସ ସଭାପତି ନବଜୋତ ସିଂ ସିଦ୍ଧୁଙ୍କ ପରାମର୍ଶଦାତା ପଦରୁ ଇସ୍ତଫା ଦେଇଛନ୍ତି। ମାଲିଙ୍କୁ ହଟାଇବା ପାଇଁ କଂଗ୍ରେସ ହାଇକମାଣ୍ଡଙ୍କ ପକ୍ଷରୁ ସିଦ୍ଧୁଙ୍କ ଉପରେ ଚାପ ପଡିଥିଲା । ଆଜି ମାଲବିନ୍ଦର ସିଂ ମାଲି ଇସ୍ତଫା ଦେବା ସହ କହିଛନ୍ତି ଯେ ଯଦି ମୋତେ ଆକ୍ରମଣ କରାଯାଏ, ତେବେ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ, କଂଗ୍ରେସ ସାଂସଦ ମନୀଷ ତିୱାରୀ, ଅକାଳୀ ନେତା ସୁଖବୀର ସିଂ ବାଦଲ, ବିକ୍ରମ ମାଜିଥିଆ, ଆପ ନେତା ରାଘବ ଚଢା ଏବଂ ବିଜେପି ନେତା ସୁଭାଷ ଶର୍ମା ଦାୟୀ ରହିବେ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ମାଲବିନ୍ଦର ସିଂ ମାଲିଙ୍କ ବିବାଦୀୟ ପୋଷ୍ଟ ପରେ ପଞ୍ଜାବ କଂଗ୍ରେସର ରାଜ୍ୟ ଦାୟିତ୍ୱରେ ଥିବା ହରିଶ ରାୱତ କହିଥିଲେ ଯେ କଂଗ୍ରେସର ଏଭଳି ପରାମର୍ଶଦାତାଙ୍କର କୌଣସି ଆବଶ୍ୟକତା ନାହିଁ। ସିଦ୍ଧୁ ମାଲିଙ୍କୁ ହଟାନ୍ତୁ | ରାୱତ କହିଥିଲେ ଯେ ମାଲି କଂଗ୍ରେସର ନୁହଁନ୍ତି, ବରଂ ସିଦ୍ଧୁଙ୍କ ପରାମର୍ଶଦାତା। ଏପରି ପରାମର୍ଶଦାତାମାନଙ୍କର କୌଣସି ଆବଶ୍ୟକତା ନାହିଁ |
ସୂଚନା ଥାଉ କି ଯେ ମାଲି ନିଜ ଫେସବୁକରେ କଶ୍ମୀର ବିଷୟରେ ପୋଷ୍ଟ କରିଥିଲେ ଯେ କଶ୍ମୀର ଏକ ସ୍ୱାଧୀନ ଦେଶ ଥିଲା ଓ ଭାରତ କଶ୍ମୀରକୁ ଦଖଲ କରିଥିଲା । ମାଲିଙ୍କ ଏହି ପୋଷ୍ଟ ପରେ ପଞ୍ଜାବରୁ ଦିଲ୍ଲୀ ପର୍ଯ୍ୟନ୍ତ ରାଜନୀତି ସରଗରମ ହୋଇଥିଲା |