ଯୋଗୀଙ୍କୁ ଆତଙ୍କବାଦୀଙ୍କ ସହ ତୁଳନା କଲେ ଖଡଗେ !

ପାଲାମୁ (ଝାଡ଼ଖଣ୍ଡ): କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ସେମାନଙ୍କ ଭାଷଣରେ ପରସ୍ପର ବିରୋଧୀ ମନ୍ତବ୍ୟ ଦେଇଥିବାରୁ ସମାଲୋଚନା କରିଛନ୍ତି। ସେ ପ୍ରଧାନମନ୍ତ୍ରୀ ମୋଦୀଙ୍କ ସ୍ଲୋଗାନ 'ଯଦି ଆପଣ ଏକାଠି ରହିବେ, ସୁରକ୍ଷିତ ରହିବେ' ଏବଂ ମୁଖ୍ୟମନ୍ତ୍ରୀ ଯୋଗୀଙ୍କ ବୟାନ 'ଯଦି ଅଲଗା ରହିବ ତ ଶେଷ ହୋଇଯିବ’ କୁ ନେଇ ପ୍ରଶ୍ନ ଉଠାଇଥିଲେ । ପ୍ରଥମ ମୋଦୀ ଓ ଯୋଗୀ ସ୍ଥିର କରନ୍ତୁ କେଉଁ ସ୍ଲୋଗାନ ଦିଆଯିବ, ତାପରେ ସ୍ଲୋଗାନ ଦିଅନ୍ତୁ, ଯାହାଦ୍ୱାରା ଜନସାଧାରଣଙ୍କ ମଧ୍ୟରେ କୌଣସି ଦ୍ୱନ୍ଦ୍ୱ ସୃଷ୍ଟି ହେବ ନାହିଁ।  

ଝାଡ଼ଖଣ୍ଡର ଛତ୍ରପୁର ବିଧାନସଭା ନିର୍ବାଚନ ମଣ୍ଡଳୀରେ ସୋମବାର (ନଭେମ୍ବର ୧୧, ୨୦୨୪) ଏକ ସାଧାରଣ ସଭାରେ ଖାର୍ଗେ କହିଛନ୍ତି, ବଟେଙ୍ଗେ ତୋ କଟେଙ୍ଗେ' ପରି ସ୍ଲୋଗାନ ଦେଉଥିବା ବ୍ୟକ୍ତିକୁ କେହି ସାଧୁ ବୋଲି କହିପାରିବେ କି ? କୌଣସି ସନ୍ଥ ଏଭଳି ବୟାନ ଦେଇପାରିବେ ନାହିଁ। କେବଳ ଆତଙ୍କବାଦୀମାନେ ହିଁ ଏଭଳି କଥା କହିପାରିବେ, ଆମେ ନୁହେଁ। 

ପ୍ରଧାନମନ୍ତ୍ରୀ ମୋଦୀ ଓ ମୁଖ୍ୟମନ୍ତ୍ରୀ ଯୋଗୀ ଦେଶରେ ବିଭାଜନକାରୀ ନୀତି ଅବଲମ୍ବନ କରୁଛନ୍ତି ବୋଲି ମଲ୍ଲିକାର୍ଜୁନ ଖଡ଼ଗେ ଅଭିଯୋଗ କରିଛନ୍ତି। ସେ କହିଛନ୍ତି ଯେ ଉଭୟ ନେତାଙ୍କ ସ୍ଲୋଗାନ ଭ୍ରମାତ୍ମକ ଏବଂ ସେମାନଙ୍କର ଏକମାତ୍ର ଲକ୍ଷ୍ୟ ହେଉଛି କ୍ଷମତା ବଜାୟ ରଖିବା । ଝାଡ଼ଖଣ୍ଡ ନିର୍ବାଚନରେ ସେ ମେଣ୍ଟର ବିଜୟ ପାଇଁ ଆଶା ବ୍ୟକ୍ତ କରିବା ସହ ମହାରାଷ୍ଟ୍ରରେ ମଧ୍ୟ ସହଯୋଗୀ ଦଳମାନଙ୍କ ମଧ୍ୟରେ ସହଯୋଗ ପାଇଁ ପ୍ରତିଶ୍ରୁତି ଦେଇଥିଲେ।