ଗୁରୁଗ୍ରାମରେ ଆସନ୍ତା ସପ୍ତାହରେ ଖୋଲିବ ମଲ, ବନ୍ଦ ରହିବ ଧାର୍ମିକସ୍ଥଳୀ
ଗୁରୁଗ୍ରାମ: ହରିୟାଣାର ଗୁରୁଗ୍ରାମରେ ଥିବା ସମସ୍ତ ସପିଂ ମଲ୍ ଆସନ୍ତା ସପ୍ତାହରୁ ପୁନର୍ବାର ଖୋଲିବାକୁ ଯାଉଛି | କରୋନା ସଂକ୍ରମଣକୁ ରୋକିବା ପାଇଁ ତିନି ମାସ ପରେ ଲକଡାଉନର ପ୍ରତିବନ୍ଧକକୁ ମାନି ସମସ୍ତ ସପିଂ ମଲ୍ ବନ୍ଦ ରଖାଯାଇଥିବା ବେଳେ ଆସନ୍ତା ସପ୍ତାହରୁ ଏହାକୁ ପୁନର୍ବାର ଖୋଲାଯିବ | ମଲ୍ ଗୁଡିକୁ ସରକାରଙ୍କ ଦ୍ୱାରା ଜାରି ଏସଓପିକୁ ମାନିବାକୁ ପଡିବ | ତେବେ ସପିଂ ମଲ୍ ଖୋଲିବା ପାଇଁ ସରକାର ଅନୁମତି ଦେଇଥିବା ବେଳେ ଧାର୍ମିକସ୍ଥଳୀକୁ ବନ୍ଦ ରଖିବା ପାଇଁ କହିଛନ୍ତି |
Sambad is now on WhatsApp
Join and get latest news updates delivered to you via WhatsApp
ଦିଲ୍ଲୀର ଦକ୍ଷିଣରେ ଥିବା ସହରଗୁଡିକର କଣ୍ଟେନମେଣ୍ଟ ଜୋନ୍ ପାଇଁ ମଧ୍ୟ କଡା ନିର୍ଦ୍ଦେଶନାମା ଘୋଷଣା କରାଯାଇପାରେ ବୋଲି ସରକାର ସୂଚନା ଦେଇଛନ୍ତି | ସୂଚନା ମୁତାବକ, କରୋନା ସଂକ୍ରମଣକୁ ରୋକିବା ପାଇଁ ଦେଶକୁ ଲକଡାଉନ କରାଯାଇଥିବା ବେଳେ ସମସ୍ତ ପ୍ରକାରର କାର୍ଯ୍ୟକଳାପକୁ ବନ୍ଦ ରଖାଯାଇଥିଲା | ୩ମାସ ଧରି କୌଣସି ଆର୍ଥିକ କାର୍ଯ୍ୟକଳାପ ହୋଇ ନ ଥିବାରୁ ସପିଂ ମଲଗୁଡ଼ିକୁ କ୍ଷତି ସହିବାକୁ ପଡିଥିଲା। ଏବେ ଧୀରେ ଧୀରେ ସରକାର ଅନେକ ପ୍ରତିବନ୍ଧକକୁ କୋହଳ କରିବା ସହ ବିଭିନ୍ନ କାର୍ଯ୍ୟକଳାପକୁ ଅନୁମତି ଦେଇଛନ୍ତି | କିଛି କିଛି ରାଜ୍ୟରେ ସଂକ୍ରମଣ ବଢୁଥିବା ଦେଖି ଏବେ ବି ମଲଗୁଡିକୁ ବନ୍ଦ ରଖାଯାଇଛି |