ନୂଆଦିଲ୍ଲୀ ଭଳି ଦେଶରେ ୪ଟି ରାଜଧାନୀ ରହୁ: ମମତା ବାନାର୍ଜୀ
କୋଲକାତା: ନୂଆଦିଲ୍ଲୀ ଭଳି ଦେଶରେ ୪ଟି ରାଜଧାନୀ ରହୁ | କିଛି ଏଭଳି ଦାବି କରିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ | ନେତାଜୀ ସୁଭାଷ ଚନ୍ଦ୍ର ବୋଷଙ୍କର ୧୨୫ ତମ ଜନ୍ମ ବାର୍ଷିକୀରେ ମମତା ଶ୍ରଦ୍ଧାଞ୍ଜଳି ଅର୍ପଣ କରି କହିଛନ୍ତି ଯେ ଦେଶରେ ୪ଟି ରାଜଧାନୀ ରହିବା ଉଚିତ। କୋଲକାତାର ନେତାଜୀ ଭବନରେ ଆୟୋଜିତ କାର୍ଯ୍ୟକ୍ରମକୁ ସମ୍ବୋଧିତ କରି ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଯେ ନେତାଜୀ ଦେଶର ସମସ୍ତ ସମ୍ପ୍ରଦାୟକୁ ଏକତା ସୂତ୍ରରେ ବାନ୍ଧି ରଖିଥିଲେ | ମମତା କହିଛନ୍ତି ଯେ ଦେଶରେ ଚାରିଟି ରୋଟେସନାଲ ରାଜଧାନୀ ରହିବା ଉଚିତ ଏବଂ ବିଭିନ୍ନ ସହରରେ ସଂସଦ ଅଧିବେଶନ ହେବା ଉଚିତ।
Sambad is now on WhatsApp
Join and get latest news updates delivered to you via WhatsApp
ନେତାଜୀଙ୍କ ଜନ୍ମ ବାର୍ଷିକୀରେ ମମତା କହିଛନ୍ତି ଯେ ବ୍ରିଟିଶମାନେ କୋଲକାତା ଠାରୁ ସମଗ୍ର ଦେଶକୁ ଶାସନ କରିଥିଲେ। ତେଣୁ ଦେଶରେ ୪ଟି ରାଜଧାନୀ ରହିବା ଉଚିତ୍ | ଆମ ଦେଶରେ କେବଳ ଗୋଟିଏ ରାଜଧାନୀ କାହିଁକି ରହିବ ବୋଲି ମମତା ପ୍ରଶ୍ନ କରିଛନ୍ତି | ତେଣୁ କୋଲକାତା ମଧ୍ୟ ଭାରତର ରାଜଧାନୀ ହେବା ଉଚିତ୍। ଗାନ୍ଧୀଙ୍କ ଠାରୁ ବଡ ନେତାମାନେ ଏଠାରୁ ଆନ୍ଦୋଳନ ଆରମ୍ଭ କରିଥିଲେ। ପଶ୍ଚିମବଙ୍ଗରୁ ଅନେକ ଆନ୍ଦୋଳନ ଆରମ୍ଭ ହୋଇଥିବାବେଳେ ସଂସଦର ଅଧିବେଶନ କେବଳ ଦିଲ୍ଲୀରେ ନୁହେଁ କୋଲକାତା ସମେତ ଦେଶର ବିଭିନ୍ନ ସହରରେ ମଧ୍ୟ ଅନୁଷ୍ଠିତ ହେବା ଉଚିତ ।
ସେହିପରି କେନ୍ଦ୍ର ସରକାର ଯୋଜନା ଆୟୋଗକୁ ପରିବର୍ତ୍ତନ କରି ନୀତି ଆୟୋଗରେ ପରିଣତ କରିଥିବାରୁ ମମତା କେନ୍ଦ୍ର ସରକାରଙ୍କୁ ଟାର୍ଗେଟ କରିଥିଲେ | ମମତା କହିଛନ୍ତି ଯେ ଯୋଜନା ଆୟୋଗର ପରିକଳ୍ପନା ନେତାଜୀ ହିଁ କରିଥିଲେ | ତେଣୁ ପୁଣିଥରେ ଯୋଜନା ଆୟୋଗ ନାମ ପରିବର୍ତ୍ତନ କରାଯାଉ ବୋଲି ମମତା ଦାବି କରିଥିଲେ |