ପେଗାସସ ମାମଲା: ଡରରେ ଫୋନ କ୍ୟାମେରା ପ୍ଳାଷ୍ଟର କରିଦେଇଥିବା କହିଲେ ଦିଦି
କୋଲକାତା: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ବୁଧବାର ପେଗାସସ୍ ସ୍ପାଏୱେରକୁ ନେଇ କେନ୍ଦ୍ରକୁ ଟାର୍ଗେଟ କରିଛନ୍ତି | ପେଗାସସ୍ ସ୍ପାଏୱେର ବିଭିନ୍ନ ରାଜନେତାଙ୍କ ଫୋନ ହ୍ୟାକ କରିବା ଘଟଣା ପାଇଁ ସେ ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀଙ୍କୁ ଦାୟୀ କରିବା ସହ ଡରରେ ସେ ନିଜ ମୋବାଇଲ୍ ଫୋନର କ୍ୟାମେରାକୁ ପ୍ଳାଷ୍ଟର କରିଦେଇଥିବା କହିଛନ୍ତି | ଇସ୍ରାଏଲର ଗୁପ୍ତଚର ପେଗାସସ୍ ଦ୍ୱାରା ହୋଇଥିବା ଚୋରି ଘଟଣାର ନିଜ ଆଡୁ ଯାଞ୍ଚ କରିବା ପାଇଁ ମମତା ବାନାର୍ଜୀ ସୁପ୍ରିମକୋର୍ଟକୁ ମଧ୍ୟ ନିବେଦନ କରିଛନ୍ତି।
ତାଙ୍କ କହିବା ମୁତାବକ, ତିନୋଟି ଜିନିଷକୁ ଗଣତନ୍ତ୍ର ତିଆରି ହୁଏ | ତାହା ହେଲା ଗଣମାଧ୍ୟମ, ନ୍ୟାୟପାଳିକା ଏବଂ ନିର୍ବାଚନ ଆୟୋଗ ଏବଂ ପେଗାସସ୍ ଏହି ତିନୋଟିକୁ କାବୁ କରିନେଇଛି | ପେଗାସସ୍ ବିପଜ୍ଜନକ ଅଟେ | ଏହା ଲୋକଙ୍କୁ ଚିନ୍ତାରେ ପକାଇଛି | ମୁଁ ଏବେ କାହା ସହିତ କଥା ହୋଇପାରୁ ନାହିଁ |
ଦେଶର ସହାୟତା ପାଇଁ ସୁପ୍ରିମକୋର୍ଟକୁ ଆବେଦନ କରି ସେ କହିଛନ୍ତି, “ଦେଶ, ଗଣତନ୍ତ୍ରକୁ ବଞ୍ଚାଅ। ସମସ୍ତ ଫୋନ୍ ଟ୍ୟାପ୍ ହୋଇଥିବାରୁ ଆପଣ ନିଜ ଆଡୁ ଯାଞ୍ଚ ନିର୍ଦ୍ଦେଶ ଦେଇ ପାରିବେ ନାହିଁ? ଯାଞ୍ଚ ପାଇଁ ଏକ ପ୍ୟାନେଲ୍ ଗଠନ କରନ୍ତୁ … କେବଳ ନ୍ୟାୟପାଳିକା ହିଁ ଦେଶକୁ ରକ୍ଷା କରିପାରିବ।
ଏହା ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଗୃହମନ୍ତ୍ରୀ ଅମିତ ଶାହାଙ୍କୁ ଟାର୍ଗେଟ କରି ସେ କହିଛନ୍ତି, ମୋଦୀଜୀ, କିଛି ଖରାପ ଭାବିବେ ନାହିଁ। ମୁଁ ବ୍ୟକ୍ତିଗତ ଭାବେ ଆପଣଙ୍କୁ ଆକ୍ରମଣ କରୁନାହିଁ | କିନ୍ତୁ ଆପଣ ଏବଂ ବୋଧହୁଏ ଗୃହମନ୍ତ୍ରୀ ବିରୋଧୀ ଦଳର ନେତାଙ୍କ ବିରୋଧରେ ଏଜେନ୍ସି ନିୟୋଜିତ କରିଛନ୍ତି। ଆପଣ ଏଜେନ୍ସିଗୁଡିକର ଅପବ୍ୟବହାର କରୁଛନ୍ତି। ଲୋକଙ୍କ ମଙ୍ଗଳ ପାଇଁ ଆପଣ ଟଙ୍କା ଖର୍ଚ କରିବା ଅପେକ୍ଷା ଏଭଳି ଏଜେନ୍ସିଗୁଡିକୁ ଟଙ୍କା ଦେଉଛନ୍ତି |
