'କଂଗ୍ରେସମୁକ୍ତ ଭାରତ ହେଉଛି ମମତା ବାନାର୍ଜୀ ଓ ବିଜେପିର ସ୍ୱପ୍ନ' ଆରଏସଏସ ସମର୍ଥିତ ପତ୍ରିକାର ଆଲେଖ୍ୟକୁ ନେଇ ଜୋରଦାର ଚର୍ଚ୍ଚା

କୋଲକାତା: 'କଂଗ୍ରେସ ମୁକ୍ତ ଭାରତ' ହେଉଛି ମମତା ବାନାର୍ଜୀ ଏବଂ ବିଜେପିର ସ୍ୱପ୍ନ। ଆରଏସଏସ ସହିତ ଜଡିତ ଏକ ବଙ୍ଗୀୟ ପତ୍ରିକାରେ ଏହି ଆଲେଖ୍ୟ ଲେଖାଯାଇଛି । ସ୍ଵସ୍ତିକା ନାମକ ପତ୍ରିକାରେ ଏଭଳି କିଛି ଲେଖାଯାଇଥିବାବେଳେ ଭାରତୀୟ ଜନତା ପାର୍ଟି ଏହି ଆଲେଖ୍ୟରୁ ଦୂରେଇ ରଖି ଏହାକୁ ଭିତ୍ତିହୀନ ବୋଲି କହିଛି। ସେହିପରି ତୃଣମୂଳ କଂଗ୍ରେସ ମଧ୍ୟ ବିଜେପି ସହିତ ହୋଇଥିବା କୌଣସି ବୁଝାମଣାକୁ ଭିତ୍ତିହୀନ ବୋଲି କହିଛି। ତେବେ କଂଗ୍ରେସ ଦଳ ଏହାର ପ୍ରତିକ୍ରିୟାରେ କହିଛି ଯେ ବର୍ତ୍ତମାନ ସେମାନଙ୍କ ମୁଖା ଖୋଲିଯାଇଛି ।

ଏହି ଆର୍ଟିକିଲକୁ ନିର୍ମଳ ମୁଖୋପାଧ୍ୟାୟ ଲେଖିଥିବାବେଳେ ଏହା ୧୩ ଡିସେମ୍ବରରେ ପତ୍ରିକାରେ ପ୍ରକାଶିତ ହୋଇଥିଲା | ଏହି ଆର୍ଟିକିଲର ଲେଖାଯାଇଛି ଯେ ଟିଏମସି ସୁପ୍ରିମୋ ମମତା ବାନାର୍ଜୀ ନିକଟରେ ନୂଆଦିଲ୍ଲୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ହୋଇଥିବା ବୈଠକରେ ଦୁହେଁ କଂଗ୍ରେସମୁକ୍ତ ଭାରତର ସ୍ୱପ୍ନ ବିଷୟରେ ଆଲୋଚନା କରିଛନ୍ତି।

ଲେଖକ ଲେଖିଛନ୍ତି, 'ନରେନ୍ଦ୍ର ମୋଦୀଙ୍କ ସ୍ୱପ୍ନ କଂଗ୍ରେସମୁକ୍ତ ଭାରତ ଥିଲା। ମୋତେ ଲାଗୁଛି ଯେ ମମତା ବାନାର୍ଜୀ ମଧ୍ୟ ଏହି ସ୍ୱପ୍ନରେ ବିଶ୍ୱାସ କରିବା ଆରମ୍ଭ କରିଛନ୍ତି | ସେଥିପାଇଁ ସେ ଇତିହାସ ଲିଭାଇବାକୁ ଚାହୁଁଛନ୍ତି ଯାହା ଦ୍ୱାରା ଏହି ସ୍ୱପ୍ନ ବିକ୍ରି ହୋଇପାରିବ |