ନୂଆଦିଲ୍ଲୀ : ଜୟ ଶ୍ରୀରାମ ନାରା ଶୁଣି ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ରାଗି ଯାଇଥିବା ଦେଖା ଯାଇଛି । ରାଗରେ ନାରା ଲଗାଉଥିବା ଲୋକଙ୍କୁ ମମତା ଚମଡା ଉତ୍ତାରି ଦେବି ବୋଲି ଧମକ ଦେଇଥିବା ଦେଖା ଯାଇଛି, ଯାହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଘଟଣାଟି ଗତକାଲି ଘଟିଥିବା ନେଇ ସାମ୍ନାକୁ ଆସିଛି ।

Advertisment

ସୂଚନା ମୁତାବକ, ମମତା ପଶ୍ଚିମବଙ୍ଗର ଉତ୍ତର ୨୪ ପ୍ରଗଣା ଜିଲ୍ଲା ଦେଇ ଧାରଣାସ୍ଥଳକୁ ଯାଉଥିବା ସମୟରେ ରାସ୍ତାର ଆଖପାଖରେ କିଛି ଲୋକ ଜୟ ଶ୍ରୀ ରାମ କହି ନାରାବାଜି କରିଥିଲେ । ଯାହାକୁ ଶୁଣିବା ପରେ ରାଗି ଯାଇଥିଲେ ମମତା । କାରରୁ ଓହ୍ଲାଇ ମମତା ସେମାନଙ୍କ ଉପରେ ଚିତ୍କାର କରି ସଂପୃକ୍ତ ଲୋକଙ୍କୁ ବିଜେପିର ଏଜେଣ୍ଟ ବୋଲି କହିଥିଲେ । ଏହା ସହ ଚମଡ଼ା ଉତ୍ତାରି ଦେବି ବୋଲି ଧମକ ଦେଇଥିଲେ । ତେବେ ଏହି ଘଟଣା ପରେ ପୁଲିସ ୭ ଜଣଙ୍କୁ ଅଟକ ରଖିଥିବା ଜଣାପଡ଼ିଛି ।