ମୋହନ ଭାଗବତଙ୍କୁ ନେଇ ପୁଲିସକୁ ନିର୍ଦ୍ଦେଶ ଦେଲେ ମମତା: ଦଙ୍ଗା ଯେଭଳି ନ ହୁଏ….
କୋଲକାତା: ରାଷ୍ଟ୍ରୀୟ ସ୍ୱୟଂସେବକ ସଂଗଠନର ମୁଖ୍ୟ ମୋହନ ଭାଗବତଙ୍କ ପଶ୍ଚିମବଙ୍ଗ ଗସ୍ତ ପୂର୍ବରୁ ମମତା ବାନାର୍ଜୀ ଆଜି ପୁଲିସକୁ ନିର୍ଦ୍ଦେଶ ଦେଇଛନ୍ତି ଯେ ଏହି ସମୟ ମଧ୍ୟରେ ଯେଭଳି କୌଣସି ଦଙ୍ଗା ନ ହୁଏ ସେଥିପ୍ରତି ଦୃଷ୍ଟି ଦିଅ | ମମତା ପୁଲିସକୁ ନିର୍ଦ୍ଦେଶ ଦେଇଛନ୍ତି ଯେ ତାଙ୍କୁ(ମୋହନ ଭାଗବତ)ଙ୍କୁ ସୁରକ୍ଷା ଦିଅ ଏବଂ ପ୍ରଶାସନ ତରଫରୁ ମିଠା ଓ ଫଳ ପଠାଅ | ମମତା କହିଛନ୍ତି ଯେ, ସେ ଅନୁଭବ କରିବା ଉଚିତ ଯେ ଆମେ ଆମର ଅତିଥିମାନଙ୍କୁ ସ୍ୱାଗତ କରୁ। ବାସ୍ତବରେ, ଆରଏସଏସ ମୁଖ୍ୟ ମୋହନ ଭାଗବତ ଆଜିଠାରୁ ୩ଦିନ ପର୍ଯ୍ୟନ୍ତ ପଶ୍ଚିମବଙ୍ଗର କେସିଆରିରେ ରହିବେ।
Sambad is now on WhatsApp
Join and get latest news updates delivered to you via WhatsApp
ଏହି ପରିପ୍ରେକ୍ଷୀରେ ରାଜ୍ୟ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଙ୍ଗଳବାର ଦିନ କେସିଆରି ପୁଲିସ ଷ୍ଟେସନର ଦାୟିତ୍ୱରେ ଥିବା ଅଧିକାରୀଙ୍କୁ ତାଙ୍କୁ ସୁରକ୍ଷା ଦେବା ଏବଂ କୌଣସି ଦଙ୍ଗା ଯେଭଳି ନ ହେବ ସେନେଇ ପଦକ୍ଷେପ ନେବାକୁ କହିଛନ୍ତି । ସଂଗଠନର ମୁଖ୍ୟ ମୋହନ ଭାଗବତ ପଶ୍ଚିମବଙ୍ଗର କେସିଆରିଠାରେ ଏକ ଚାରି ଦିନିଆ ଶିବିର ଆୟୋଜନ କରିବାର କାର୍ଯ୍ୟକ୍ରମ ରହିଛି, ଯେଉଁଠାରେ ସେ ଆରଏସଏସ ତାଲିମ ଶିବିରରେ ଯୋଗଦେବେ। ଏହି ଶିବିର ତିନି ସପ୍ତାହ ପର୍ଯ୍ୟନ୍ତ ଚାଲିବ।
ରାଜନୈତିକ ବିଶେଷଜ୍ଞମାନେ କହିଛନ୍ତି ଯେ ବିଗତ ବର୍ଷଗୁଡିକରେ ଆରଏସଏସର କାର୍ଯ୍ୟକଳାପ ଯୋଗୁଁ ବିଜେପିକୁ ପଶ୍ଚିମବଙ୍ଗରେ ଲୋକପ୍ରିୟତା ହାସଲ କରିବାରେ ସାହାଯ୍ୟ କରିଛି। ପଶ୍ଚିମବଙ୍ଗର ଆରଏସଏସ ନେତାମାନେ ମମତା ବାନାର୍ଜୀଙ୍କ ଦଙ୍ଗା ବିବୃତ୍ତି ଉପରେ କୌଣସି ମନ୍ତବ୍ୟ ଦେବାକୁ ମନା କରି ଦେଇଛନ୍ତି | କିନ୍ତୁ ବିଜେପି ମମତାଙ୍କୁ ଟାର୍ଗେଟ କରିଛି। ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ଦିଲୀପ ଘୋଷ କହିଛନ୍ତି ଯେ ମୁଖ୍ୟମନ୍ତ୍ରୀ ଏପରି ବିବୃତ୍ତି ଦେବା ଠିକ୍ ନୁହେଁ। ସେ କହିଛନ୍ତି ଯେ ଭାଗବତ ଏଠାରେ ରହୁନଥିଲେ ମଧ୍ୟ ପଶ୍ଚିମବଙ୍ଗରେ ଦଙ୍ଗା ଘଟୁଛି।