‘ମୋତେ ଅଧଘଣ୍ଟା ଦିଅ, କେମିତି ବଜେଟ ତିଆରି ହୁଏ କରିକି ଦେଖାଇଦେବି’

କୋଲକାତା: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ କେନ୍ଦ୍ର ବଜେଟ୍ ୨୦୨୩କୁ ନେଇ ନରେନ୍ଦ୍ର ମୋଦୀ ସରକାର ଉପରେ ଆକ୍ରମଣ କରିଛନ୍ତି। ଆଗାମୀ ଲୋକସଭା ନିର୍ବାଚନ ସହିତ ବଜେଟ୍ ୨୦୨୩କୁ ଯୋଡି ମମତା ସରକାରଙ୍କୁ ଟାର୍ଗେଟ କରିଛନ୍ତି। ୨୦୨୪ ଲୋକସଭା ନିର୍ବାଚନକୁ ଦୃଷ୍ଟିରେ ରଖି ବଜେଟ୍ ପ୍ରସ୍ତୁତ ହୋଇଛି ବୋଲି ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି। ଏହା ସହିତ ସେ ଆହୁରି ମଧ୍ୟ କହିଛନ୍ତି ଯେ ଯଦି ତାଙ୍କୁ ଅଧ ଘଣ୍ଟା ସମୟ ଦିଆଯାଏ, ତେବେ ସେ ଏହା ଅପେକ୍ଷା ଆହୁରି ଉତ୍ତମ ତଥା ଲୋକାଭିମୁଖୀ ବଜେଟ୍ ଉପସ୍ଥାପନ କରିପାରିବେ | ମମତା ବାନାର୍ଜୀ ପଶ୍ଚିମବଙ୍ଗର ବୀରଭୂମ ଜିଲ୍ଲାର ବୋଲପୁରରେ ସମ୍ବୋଧିତ କରିବାବେଳେ କହିଛନ୍ତି ଯେ କେନ୍ଦ୍ର ବଜେଟ୍ ଲୋକ ବିରୋଧୀ ଏବଂ ଏଥିରେ ଗରିବ ଲୋକଙ୍କ ପ୍ରତି ଧ୍ୟାନ ଦିଆଯାଇନାହିଁ।

Deccan Herald

ଆୟକର ସ୍ଲାବରେ ପରିବର୍ତ୍ତନ କରି କାହାକୁ ଲାଭ ମିଳିବ ନାହିଁ ବୋଲି ସେ ଦାବି କରିଛନ୍ତି। ମୁଖ୍ୟମନ୍ତ୍ରୀ ବାନାର୍ଜୀ କହିଛନ୍ତି, “ଏହି କେନ୍ଦ୍ରୀୟ ବଜେଟ୍ ଭବିଷ୍ୟତବାଦୀ ନୁହେଁ, ସଂପୂର୍ଣ୍ଣ ସୁବିଧାବାଦୀ, ଲୋକ ବିରୋଧୀ ଏବଂ ଗରିବ ବିରୋଧୀ । ଏହି ବଜେଟ କେବଳ ଗୋଟିଏ ଶ୍ରେଣୀର ଲୋକଙ୍କୁ ଉପକୃତ କରିବ | ଦେଶରେ ବେକାରୀ ସମସ୍ୟା ସମାଧାନ କରିବାରେ ଏହା ସାହାଯ୍ୟ କରିବ ନାହିଁ। ୨୦୨୪ ଲୋକସଭା ନିର୍ବାଚନକୁ ଦୃଷ୍ଟିରେ ରଖି ଏହା ପ୍ରସ୍ତୁତ କରାଯାଇଛି। ମମତା କହିଛନ୍ତି ଯେ ଆୟକର ସ୍ଲାବରେ ପରିବର୍ତ୍ତନ କାହାକୁ ସାହାଯ୍ୟ କରିବ ନାହିଁ। ଏହି ବଜେଟରେ କୌଣସି ଆଶାର କିରଣ ନାହିଁ | ଏହା ଏକ ଅନ୍ଧକାର ବଜେଟ୍ | ମୋତେ ଅଧ ଘଣ୍ଟା ଦିଅ, ମୁଁ ଆପଣଙ୍କୁ ଦେଖାଇବି କିପରି ଗରିବଙ୍କ ପାଇଁ ଉତ୍ତମ ବଜେଟ୍ ପ୍ରସ୍ତୁତ କରିହେବ |

ସମ୍ବନ୍ଧିତ ଖବର