କୋଲକାତା : ଗତ ୫ ବର୍ଷରେ ତୃଣମୂଳ କଂଗ୍ରେସ ନେତ୍ରୀ ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସଂପତ୍ତି ପରିମାଣ ଅଧା ହ୍ରାସ ପାଇଛି ।
Sambad is now on WhatsApp
Join and get latest news updates delivered to you via WhatsApp
ନିର୍ବାଚନ କମିଶନଙ୍କ ନିକଟରେ ଦେଇଥିବା ନିଜର ସତ୍ୟପାଠରେ ସେ ଦର୍ଶାଇଛନ୍ତି ଯେ ତାଙ୍କର ମୋଟ ସମ୍ପତ୍ତିର ପରିମାଣ ପ୍ରାୟ ୧୬.୭୨ ଲକ୍ଷ ଟଙ୍କା, ଯାହାକି ୫ ବର୍ଷ ତଳେ ସେ ଦର୍ଶାଇଥିବା ସମ୍ପତ୍ତିଠାରୁ ୪୮ ପ୍ରତିଶତ କମ । ୨୦୧୬ରେ ତାଙ୍କର ମୋଟ ସମ୍ପତ୍ତିର ପରିମାଣ ପ୍ରାୟ ୩୦.୪୫ ଲକ୍ଷ ଟଙ୍କା ଥିଲା ।
ପୂର୍ବ ମେଦିନିପୁରର ନନ୍ଦିଗ୍ରାମ ବିଧାନସଭା କ୍ଷେତ୍ରରୁ ଲଢୁଥିବା ମମତା ବାନାର୍ଜୀଙ୍କର ନିଜର କୌଣସି ଗାଡ଼ି କିମ୍ବା ଭୂସମ୍ପତ୍ତି ନାହିଁ । ୨୦୧୯-୨୦ରେ ତାଙ୍କର ମୋଟ ଆୟ ୧୦,୩୪,୩୭୦ ଟଙ୍କା ଥିଲା ।
ତାଙ୍କ ହାତରେ ଏବେ ୬୯,୨୫୫ ଟଙ୍କାର ନଗଦ ଟଙ୍କା ରହିଛି ଓ ବ୍ୟାଙ୍କରେ ତାଙ୍କ ସାଢେ ୧୩ ଲକ୍ଷ ଟଙ୍କାର ଜମା ରହିଛି । ତାଙ୍କର ୧୮,୪୯୦ ଟଙ୍କାର ଜାତୀୟ ସଂଚୟ ପ୍ରମାଣପତ୍ର ରହିଛି ।
ଆସୋସିଏସନ ଫର ଡେମୋକ୍ରାଟିକ ରିଫର୍ମ (ଏଡିଆର) ରିପୋର୍ଟ ଅନୁସାରେ ବର୍ତ୍ତମାନଥିବା ପଶ୍ଚିମବଙ୍ଗର ୨୮୨ ବିଧାୟକଙ୍କ ମଧ୍ୟରୁ ୯୭ ଜଣ ହେଉଛନ୍ତି କୋଟିପତି । ଟିଏମସିର ୭୮ ଜଣ କୋଟିପତି ବିଧାୟକ ଅଛନ୍ତି ।