ସୁପର ମାର୍କେଟରୁ ସବୁ ଲୋକ ଜିନିଷ କରି ବିଲ୍ କାଉଣ୍ଟରରେ ପହଞ୍ଚିବା ପରେ ଟଙ୍କା ନେଲା ନାହିଁ ଦୋକାନୀ, କହିଲେ; ସମସ୍ତଙ୍କ ବିଲ୍ ଦିଆଯାଇ ସାରିଛି!
ନୂଆଦିଲ୍ଲୀ: ଆମେରିକାରେ ଥିବା ଓ୍ଵାଲମାର୍ଟ ସୁପର ମାର୍କେଟରେ ଘଟିଛି ଏକ ଆଶ୍ଚର୍ଯ୍ୟ କଲା ଭଳି ଘଟଣା । ଜଣେ ଯୁବକ ନିଜର ପରିଚୟ ନ ଦେଇ ସବୁ ଗ୍ରାହକ କିଣିଥିବା ଜିନିଷ ପାଇଁ ଟଙ୍କା ଦେବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ଯୁବକଜଣଙ୍କ କିଏ ଏବଂ ସେ ଗ୍ରାହକଙ୍କ ପିଛା କେତେ ଟଙ୍କା ଖର୍ଚ୍ଚ କରିଥିଲେ ତାହା ଜଣା ପଡ଼ି ନାହିଁ । ଏ ନେଇ ସୁପର ମାର୍କେଟର କର୍ମଚାରୀମାନଙ୍କୁ ପଚରାଯାଇଥିବା ବେଳେ ସେମାନେ ଯୁବକଙ୍କ ବିଷୟରେ କୌଣସି ସୂଚନା ଦେଇ ନଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗତ ସପ୍ତାହରେ ଓ୍ଵାଲମାର୍ଟ ସୁପର ମାର୍କେଟକୁ ଜୁଲି ନାମକ ଜଣେ ମହିଳା ଜିନିଷ କିଣି ବିଲ୍ କାଉଣ୍ଟର ପାଖରେ ପହଞ୍ଚିବା ପରେ ସେଠାରେ ଠିଆ ହୋଇଥିବା ଯୁବକଜଣଙ୍କ ଆଉ କିଛି କିଣିବେ କି ବୋଲି ପଚାରିଥଲେ । ଜୁଲି ନାଁ କହିବା ପରେ ଜୁଲି କିଣିଥିବା ସମସ୍ତ ଜିନିଷ ପାଇଁ ଯୁବକ ୧୪ହଜାର ଟଙ୍କା ଦେଇଥିଲେ । ଏହା ଦେଖି ଜୁଲି ଆଶ୍ଚର୍ଯ୍ୟ ହେବା ସହ ଏଭଳି କିଏ କରେ ବୋଲି ପ୍ରଶ୍ନ କରିବା ପରେ ଯୁବକ ଜଣଙ୍କ ନିଜ ଆଡ଼କୁ ଇଶାରା କରିଥିଲେ ।
ଖାଲି ଜୁଲି ନୁହନ୍ତି ସେଦିନ ସେହି ସୁପର ମାର୍କେଟକୁ ଆସିଥିବା ସବୁ ଲୋକଙ୍କର ବିଲ୍ ଦେଇଥିଲେ ସେଇ ଅଜଣା ଯୁବକ । ଯୁବକଙ୍କ ପରିଚୟ ମିଳି ପାରି ନଥିବା ବେଳେ ଜୁଲି ଯୁବକଙ୍କର ପଛପଟୁ ଫଟୋ ଉଠାଇ ସୋସିଆଲ ମିଡ଼ିଆରେ ସେୟାର କରିବା ସହ ପୁରା କାହାଣୀ ଜଣାଇଥିଲେ ।