ହରର ଫିଲ୍ମ ‘ଆନାବେଲ କମ୍ସ ହୋମ୍’ ଦେଖୁଥିବା ବେଳେ ଚାଲିଗଲା ଜୀବନ
ଥିଏଟରର ଲାଇଟ୍ ଜଳିବା ପରେ ସାମ୍ନାକୁ ଆସିଲା ଘଟଣା
ନୂଆଦିଲ୍ଲୀ: ଥାଇଲାଣ୍ଡକୁ ଛୁଟି କଟାଇବାକୁ ଯାଇଥିବା ବେଳେ ଜଣେ ୭୭ବର୍ଷୀୟ ବ୍ରିଟିଶ ବୃଦ୍ଧ ବର୍ନାର୍ଡ ଚାନିଂଙ୍କ ମୃତ୍ୟୁ ହୋଇଥିବା ଜଣା ପଡ଼ିଛି । ବୁଲିବାକୁ ଯାଇଥିବା ବର୍ନାର୍ଡ କିଛି ଦିନ ତଳେ ରିଲିଜ୍ ହୋଇଥିବା ହରର ଫିଲ୍ମ ‘ଆନାବେଲ କମ୍ସ ହୋମ୍’କୁ ଦେଖିବା ପାଇଁ ଚିନ୍ତା କରିଥିଲେ । ଯାହା ତାଙ୍କର ବଡ଼ ଭୁଲ ଥିଲା । ଫିଲ୍ମ ଦେଖିବା ମଧ୍ୟରେ ତାଙ୍କର ମୃତ୍ୟୁ ହୋଇ ଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ଫିଲ୍ମ ସରିବା ପରେ ଥିଏଟରର ଲାଇଟ୍ ଜଳିବା ପରେ ତାଙ୍କ ପାଖରେ ବସିଥିବା ଜଣେ ମହିଳା ବର୍ନାର୍ଡ ମୃତ୍ୟୁବରଣ କରିଥିବା ଜାଣି ପାରିଥିଲେ । ଚିତ୍କାର କରି ସାହାଯ୍ୟ ମାଗିଥିବା ବେଳେ ତୁରନ୍ତ ଥିଏଟରର କ୍ର୍ୟୁ ଆସି ଦେଖିବା ସହ ବର୍ନାର୍ଡଙ୍କୁ ମୃତ ଘୋଷଣା କରିଥିଲେ । ଏହା ପରେ ତାଙ୍କ ମୃତ୍ୟୁର କାରଣ ଜାଣିବା ପାଇଁ ଆମ୍ବୁଲାନ୍ସ ଯୋଗେ ତାଙ୍କ ମୃତଦେହକୁ ଡ଼ାକ୍ତରଖାନା ପଠା ଯାଇଥିଲା । ତେବେ ଏ ପର୍ଯ୍ୟନ୍ତ ମୃତ୍ୟୁର କାରଣ ଜଣା ପଡ଼ି ପାରିନାହିଁ ।