ଚ୍ୟାଲେଞ୍ଜ ପୂରା କରିବାକୁ ଦେଢ଼ ଲିଟର ଭୋଡକା ପିଇଲେ ବୃଦ୍ଧ, ତା’ପରେ ଏମିତି ହେଲା
ମସ୍କୋ: ଚ୍ୟାଲେଞ୍ଜ ପୁରା କରିବା ନିଶାରେ ଜୀବନ ହରାଇଲେ ବୃଦ୍ଧ | ଋଷିଆରେ ଏଭଳି ଏକ ଘଟଣା ଘଟିଛି, ଯେଉଁଠାରେ ଜଣେ ୬୦ ବର୍ଷ ବୟସ୍କ ବ୍ୟକ୍ତି ୧.୫ ଲିଟର ଭୋଡକା ମଦ ପିଇଦେଇଥିଲେ | ଆଉ ଏହା ପରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା | ଆଉ ବଡ କଥା ଏହି ବ୍ୟକ୍ତିଙ୍କର ମୃତ୍ୟୁ ବେଳର ଦୃଶ୍ୟକୁ ଶହ ଶହ ଲୋକ ଲାଇଭ ଦେଖୁଥିଲେ | ମିଳିଥିବା ସୂଚନା ମୁତାବକ ଋଷିଆର ସ୍ମୋଲେନସ୍କ ସହରରେ ଜଣେ ୬୦ ବର୍ଷ ବୟସ୍କ ବୃଦ୍ଧ ୟୁଟ୍ୟୁବରେ ଲାଇଭ୍ ଷ୍ଟ୍ରିମିଂ ସମୟରେ ଏକ ଚ୍ୟାଲେଞ୍ଜ ଗ୍ରହଣ କରିଥିଲେ |
Sambad is now on WhatsApp
Join and get latest news updates delivered to you via WhatsApp
ଏଥିରେ କୁହାଯାଇଥିଲା ଯେ, ଯଦି ଏହି ବ୍ୟକ୍ତି ଦେଢ଼ଲିଟର ଭୋଡ଼କା ପିଇଦେବେ ତେବେ ତାଙ୍କୁ ବହୁ ପରିମାଣର ଅର୍ଥ ପୁରସ୍କାର ଆକାରରେ ମିଳିବ | ତେବେ ୟୁଟ୍ୟୁବରେ ବ୍ୟକ୍ତିଜଣକ ମଦ ପିଉଥିବାର ଲାଇଭ ଷ୍ଟ୍ରିମିଂ ଚାଲିଥିଵା ବେଳେ ହଠାତ ତାଙ୍କ ଦେହ ବିଗିଡିଯାଇଥିଲା ଓ ସେ ତଳେ ପଡିଯାଇଥିଲେ | ଏହା ପରେ ତାଙ୍କର ମୃତ୍ୟୁ ହୋଇଯାଇଥିଲା | ଋଷିଆ ଗଣମାଧ୍ୟମର ରିପୋର୍ଟ ଅନୁଯାୟୀ,ଏହି ବ୍ୟକ୍ତି ଜଣକ ୬୦ ବର୍ଷୀୟ ୟୁରୀ ଦୁଶେକ୍କିନ୍ ହୋଇଥିବାବେଳେ ତାଙ୍କୁ ଟଙ୍କା ବଦଳରେ ୧.୫ ଲିଟର ମଦ ପିଇବାକୁ କୁହାଯାଇଥିଲା | ଆଉ ‘ଥ୍ରାଶ ଷ୍ଟ୍ରିମିଂ’ ନାମରେ ୟୁଟ୍ୟୁବରେ ଲାଇଭ ଷ୍ଟ୍ରିମିଂର ଚାଲିଥିଲା | ଆଉ ଏହି ସମୟରେ ଚ୍ୟାଲେଞ୍ଜ ନେଇଥିବା ବ୍ୟକ୍ତିଙ୍କର ମୃତ୍ୟୁ ହୋଇଯାଇଥିଲା | ଆଉ ଏହି ଘଟଣାକୁ ନେଇ ବର୍ତ୍ତମାନ ସ୍ଥାନୀୟ ପୁଲିସ ତଦନ୍ତ କରୁଛି |
ଥ୍ରାଶ ଷ୍ଟ୍ରିମିଂ କ’ଣ?
ସୋସିଆଲ ମିଡିଆରେ ଟ୍ରେଣ୍ଡ କରୁଥିବା ଏହି ଥ୍ରାଶ ଷ୍ଟ୍ରିମିଂ ଟ୍ରେଣ୍ଡରେ ଜଣେ ବ୍ୟକ୍ତିଙ୍କୁ ଟଙ୍କା ବଦଳରେ ଏକ ଅପମାନଜନକ କାର୍ଯ୍ୟ କିମ୍ବା ଷ୍ଟଣ୍ଟ କରିବାକୁ ଚ୍ୟାଲେଞ୍ଜ କରାଯାଏ | ଏହା ଲାଇଭ୍ ଷ୍ଟ୍ରିମିଡ୍ ହୋଇଥାଏ, ଯାହାକୁ ଅନଲାଇନରେ ବହୁ ସଂଖ୍ୟକ ଦର୍ଶକ ଦେଖନ୍ତି | ଏଥିରେ, ଏପରି ଏକ ଚ୍ୟାଲେଞ୍ଜ ଦିଆଯାଏ ଯାହା ଅତ୍ୟନ୍ତ କଷ୍ଟକର ହୋଇଥାଏ | ଆଉ ଚ୍ୟାଲେଞ୍ଜରେ ସଫଳ ହେଲେ ପ୍ରଚୁର ଅର୍ଥ ମିଳିଥାଏ |