ପ୍ରେମିକାର ସ୍ବାମୀଙ୍କୁ ହତ୍ୟା କରିବାକୁ ଯୋଜନା କରିଥିଲା ପ୍ରେମିକ, ହେଲେ...

ଲକ୍ଷ୍ନୌ: ଲକ୍ଷ୍ନୌରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା।  ଲକ୍ଷ୍ନୌରେ ଜଣେ ବ୍ୟକ୍ତି ତାଙ୍କ ପ୍ରେମିକାଙ୍କ ସ୍ୱାମୀ ଏବଂ ପିତାଙ୍କୁ ହତ୍ୟା କରିବା ପାଇଁ ହତ୍ୟାକାରୀଙ୍କୁ ନିଯୁକ୍ତି ଦେଇଥିଲେ, କିନ୍ତୁ ହତ୍ୟାକାରୀ ଭୁଲବଶତଃ ଅନ୍ୟମାନଙ୍କୁ ହତ୍ୟା କରି ଦେଇଛନ୍ତି। ସେମାନଙ୍କ ମଧ୍ୟରେ ଜଣେ କ୍ୟାବ୍‌ ଡ୍ରାଇଭର୍‌ ବି ରହିଛନ୍ତି। ଏହି ମାମଲାରେ ଏବେ ସମସ୍ତ ତିନି ଅଭିଯୁକ୍ତଙ୍କୁ ଏବେ ଗିରଫ କରାଯାଇଛି। ହତ୍ୟାରେ ବ୍ୟବହୃତ ଏକ ଦେଶୀ ବନ୍ଧୁକ, ୧୪ଟି ଜୀବନ୍ତ ଗୁଳି, ତିନୋଟି ମୋବାଇଲ୍ ଏବଂ ଏକ ବାଇକ୍ ଉଦ୍ଧାର କରାଯାଇଛି ବୋଲି ପୁଲିସ କହିଛି।

ବରିଷ୍ଠ ପୋଲିସ ଅଧିକାରୀ ରବିନା ତ୍ୟାଗୀ ଗଣମାଧ୍ୟମକୁ କହିଛନ୍ତି ଯେ ‘‘ଗତ ଡିସେମ୍ବର ୩୦ ତାରିଖରେ ଲକ୍ଷ୍ନୌର ମାଦେହଗଞ୍ଜରେୂ ପୁଲିସ୍‌ ଏକ ମୃତଦେହ ଉଦ୍ଧାର କରିଥିଲା। ମୃତକଙ୍କୁ ମହମ୍ମଦ ରିଜୱାନ ଭାବରେ ଚିହ୍ନଟ କରାଯାଇଛି ଏବଂ ଏକ ମାମଲା ରୁଜୁ କରାଯାଇଛି। ଆମର ନିରୀକ୍ଷଣ ଦଳ, ସ୍ପେଶାଲ୍ ଅପରେସନ୍ସ ଗ୍ରୁପ୍ ଏବଂ ସ୍ଥାନୀୟ ପୁଲିସ ତଦନ୍ତ ଆରମ୍ଭ କରିଛି ଏବଂ ତିନି ଜଣଙ୍କୁ ଗିରଫ କରାଯାଇଛି। ସେମାନେ ହେଉଛନ୍ତି ଆଫତାବ୍ ଅହମ୍ମଦ, ୟାସିର୍ ଏବଂ କୃଷ୍ଣକାନ୍ତ"।

ଅଧିକାରୀ କହିଛନ୍ତି ଯେ ଆଫତାବ୍ ଅହମ୍ମଦ ହେଉଛନ୍ତି ‌ଏହି ହତ୍ୟା ମାମଲାର ମୁଖ୍ୟ ଅଭିଯୁକ୍ତ। ତାଙ୍କର ଜଣେ ମହିଳାଙ୍କ ସହ ପ୍ରେମ ସଂପର୍କ ଥିବାରୁ ସେ ମହିଳାଙ୍କ ସ୍ବାମୀ ଏବଂ ବାପାଙ୍କୁ ମାରିବାକୁ ହତ୍ୟାକାରୀକୁ କହିଥିଲେ।