ପତ୍ନୀର କଟାମୁଣ୍ଡ ଧରି ଥାନାରେ ପହଞ୍ଚିଲା ଯୁବକ

ବେଙ୍ଗାଲୁରୁ : କର୍ଣ୍ଣାଟକର ରାଜଧାନୀ ବେଙ୍ଗାଲୁରୁରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ଆଙ୍କେଲ ଅଞ୍ଚଳରେ ରହୁଥିବା ଜଣେ ୨୮ ବର୍ଷୀୟ ଯୁବକ ନିଜ ପତ୍ନୀକୁ ନିର୍ମମ ଭାବରେ ହତ୍ୟା କରି କଟା ମୁଣ୍ଡ ସହିତ ପୋଲିସ ଷ୍ଟେସନରେ ପହଞ୍ଚି ଆତ୍ମସମର୍ପଣ କରିଛି। ଅଭିଯୁକ୍ତର ନାମ ଶଙ୍କର। ଅବୈଧ ସଂପର୍କକୁ ନେଇ ସେ ତା ପତ୍ନୀ ଉପରେ ସଂଦେହ କରୁଥିଲା । ଏହାକୁ ନେଇ ବିବାଦ ହେବା ପରେ ସେ ନିଜ ପତ୍ନୀକୁ ହତ୍ୟା କରିଥିଲା । 

ପୋଲିସ କହିଛି ଯେ ଶଙ୍କର ଏବଂ ମାନସା କିଛି ସମୟ ପୂର୍ବରୁ ହିଲାଲିଗେ ଗାଁରେ ଏକ ଭଡା ଘରେ ରହିବାକୁ ଆସିଥିଲେ। ଶଙ୍କର ନିକଟସ୍ଥ ଏକ ସ୍ଥାନରେ କାମ କରୁଥିଲେ। ୩ ଜୁନ ରାତିରେ ସେ କାମକୁ ଯାଇ ମାନସାଙ୍କୁ କହିଥିଲେ ଯେ ସେ ସକାଳ ସୁଦ୍ଧା ଆସିବେ। କିନ୍ତୁ, ସେହି ଦିନ ସେ ଶୀଘ୍ର କାମ ସାରି ବିଳମ୍ବିତ ରାତିରେ ଘରକୁ ଫେରିଥିଲେ, ତା'ପରେ ସେ ମାନସାଙ୍କୁ ଅନ୍ୟ ଜଣେ ପୁରୁଷ ସହିତ ପାଇଲେ।

ଏହି କଥାକୁ ନେଇ ଉଭୟଙ୍କ ମଧ୍ୟରେ ଏକ ବଡ଼ ଝଗଡ଼ା ହୋଇଥିଲା ଏବଂ ମାନସା ସେହି ମୁହୂର୍ତ୍ତରେ ଘରୁ ପଳାଇଯାଇଥିଲା। ଏହା ପରେ ମନସା ବାରମ୍ବାର ଘରକୁ ଆସୁଥିଲା ଏବଂ ଶଙ୍କର ସହ ଝଗଡା କରୁଥିଲା। ହତ୍ୟାକାଣ୍ଡ ରାତିରେ ମଧ୍ୟ ମନସା ଘରକୁ ଫେରି ଶଙ୍କର ସହ ପ୍ରବଳ ଝଗଡା କରିଥିଲା, ଯାହା ଫଳରେ ହଙ୍ଗାମା ହୋଇଥିଲା। ଶଙ୍କର ଏଥିରେ ଭୀଷଣ ରାଗିଯାଇଥିଲା ଓ କ୍ରୋଧରେ ମନସାର ମୁଣ୍ଡ କାଟିଦେଇଥିଲା । ଏହା ପରେ ସେ ସୂର୍ଯ୍ୟନଗର ଥାନାରେ କଟାମୁଣ୍ଡ ସହ ଆତ୍ମସମର୍ପଣ କରିଥିଲା ।