ରେଳ ଷ୍ଟେସନରେ ଲେଡ଼ିଜ୍ କୋଚ୍ ବାହାରେ ଠିଆ ହୋଇ ଆପତ୍ତିଜନକ କାମ କରିବାକୁ ଲାଗିଲେ ଯୁବକ, ମହିଳା କରିଦେଲେ ଫେସ୍ବୁକ୍ ଲାଇଭ୍
କୋଲକାତା : ପଶ୍ଚମବଙ୍ଗରେ ଥିବା ଏକ ରେଳ ଷ୍ଟେସନରେ ଘଟିଥିବା ଘଟଣାର ଭିଡ଼ିଓ ଏବେ ଚର୍ଚ୍ଚାରେ । ଜଣେ ଯୁବକ ରେଳ ଷ୍ଟେସନ ଆସି ମହିଳା କୋଚ୍ ସାମ୍ନାରେ ଠିଆ ହେବା ସହ ଅଶ୍ଲୀଳ ଇଶାରା କରିଥିଲେ । କିଛି ସମୟ ପରେ ଟ୍ରେନରେ ବସିଥିବା ମହିଳାଙ୍କୁ ଦେଖି ଆପତ୍ତିଜନକ କାମ କରିବା ଆରମ୍ଭ କରିଥିଲା ଯୁବକ । ଏହା ଦେଖିବା ପରେ କିଛି ସମୟ ମଧ୍ୟରେ ଟ୍ରେନ ଚାଲିବା ଆରମ୍ଭ ହେବାକୁ ଥିବାରୁ କେହି କିଛି କହି ନ ଥିଲେ । କିନ୍ତୁ ଜଣେ ମହିଳା ନିଜର ଉପସ୍ଥିତ ବୁଦ୍ଧି ଖଟାଇ ପୂରା ଘଟଣାର ଫେସ୍ବୁକ୍ ଲାଇଭ୍ କରିଥିଲେ । ଏ ନେଇ ଖବର ପାଇ ରେଳ କର୍ମଚାରୀ ସେଠାରେ ପହଞ୍ଚିବା ବେଳକୁ ଯୁବକ ଜଣଙ୍କ ଘଟଣାସ୍ଥଳରୁ ଚାଲି ଯାଇଥିଲେ । ଏହି ଘଟଣାକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇବା ପରେ ଜିଆର୍ପି ଯୁବକଙ୍କୁ ପାଗଳ କହି ମାମଲାକୁ ଥଣ୍ଡା କରିବା ପାଇଁ ଚେଷ୍ଟା କରିଥିବା ଦେଖିବାକୁ ମିଳିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ,ପ୍ରଥମେ ୫୦ବର୍ଷିୟ ଯୁବକ ଜଣଙ୍କ ହାଓ୍ଵଡ଼ା ଯାଉଥିବା ଟ୍ରେନରେ ବସିଥିବା ମହିଳାଙ୍କୁ ଅଶ୍ଲୀଳ କମେଣ୍ଟ ମାରିବା ଆରମ୍ଭ କରିଥିଲେ । କିଛି ସମୟରେ କେହି କିଛି ନ କହିବାରୁ ସେ ଧିରେ ଧିରେ ଆପତ୍ତିଜନକ କାମ କରିବା ଆରମ୍ଭ କରିଥିଲେ । ଏହା ଦେଖି ଟ୍ରେନରେ ବସିଥିବା ଜଣେ ମହିଳା ପୂରା ଘଟଣାର ଫେସ୍ବୁକ୍ ଲାଇଭ୍ କରିଥିଲେ । ଲାଇଭ୍ ମଧ୍ୟାହ୍ନ ୧.୧୫ ସମୟରେ ହୋଇଥିବା ଦେଖିବାକୁ ମିଳିଛି । ଏହି ଲାଇଭ୍ ଭିଡ଼ିଓ କରିବା ସମୟରେ ସେ ଆଜିକାଲି ସମସ୍ତଙ୍କୁ ପ୍ରମାଣ ଦରକାର,ସେଥପାଇଁ ମୁଁ ଫେସ୍ବୁକ୍ ଲାଇଭ୍ କରିବା ପାଇଁ ନିଷ୍ପତ୍ତିି ନେଇ ବୋଲି କହୁଥିବାର ଦେଖା ଯାଇଥିଲା । ଏହା ପରେ ମହିଳାଙ୍କ ସାହାସକୁ ଦେଖି କୋଚ୍ରେ ଥିବା ଅନ୍ୟ ମହିଳା ମଧ୍ୟ ଆନ୍ଦୋଳନ କରିବା ସହ ରେଳ କର୍ମଚାରୀଙ୍କୁ ଘଟଣା ବିଷୟରେ ଜଣାଇଥିଲେ । ଲାଇଭ୍ କରିଥିବା ମହିଳାଙ୍କ ଅଭିଯୋଗ ଅନୁଯାୟୀ ଯୁବକ ଜଣକ ରେଳ ପୁଲିସ ଅଫିସର ଅତି ନିକଟରେ ଠିଆ ହୋଇ ଏଭଳି କାମ କରିଥିଲେ । କିନ୍ତୁ ପୁଲିସ କିିିଛି ପଦକ୍ଷପ ନେଇ ନଥିଲା ।