ଚେନ୍ନାଇରୁ ଖାଦ୍ୟ ଅର୍ଡର କଲେ ଯୁବକ, କିନ୍ତୁ ଡେଲିଭର ହେଲା ରାଜସ୍ଥାନରୁ; ଜାଣନ୍ତୁ ଫୁଡ୍ ଆପ୍ ସ୍ୱିଗୀର ଏଭଳି ଅଜବ କାର୍ନାମା ବିଷୟରେ
ଚେନ୍ନାଇ: ଅନ୍ଲାଇନ୍ ଫୁଡ୍ ଅର୍ଡର କରିବା ସମୟରେ କ’ଣ ସବୁ ସମସ୍ୟା ହୋଇଥାଏ, ତାହା ଆପଣମାନେ ଭଲ ଭାବରେ ଜାଣିଥିବେ । ଡେଲିଭର କରିବାକୁ ବିଳମ୍ବ ହେବା ସହ ଖାଦ୍ୟରେ ଅପମିଶ୍ରଣ ହେବା ଭଳି ଅନେକ ଖବର ପୂର୍ବରୁ ସାମ୍ନାକୁ ଆସି ସାରିଛି । କିନ୍ତୁ ଏବେ ଚେନ୍ନାଇରେ ଯେଉଁ ଭଳି ଘଟଣା ଘଟିଛି, ତାହା ପୂର୍ବ ସବୁ ଘଟଣାଠାରୁ ସମ୍ପୂର୍ଣ୍ଣ ଭିନ୍ନ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଚେନ୍ନାଇର ଜଣେ ଯୁବକ ଭୋକ ଲାଗିବାରୁ ଖାଦ୍ୟ ଅର୍ଡର କରିବା ପାଇଁ ସ୍ୱିଗୀ ଆପ୍ର ବ୍ୟବହାର କରିଥିଲେ । ସ୍ୱିଗୀ ଯୁବକଙ୍କ ଅର୍ଡର ନେବା ସହ ଏହାକୁ ଡେଲିଭର କରିବାର ପ୍ରକ୍ରିୟା ଆରମ୍ଭ ମଧ୍ୟ କରିଥିଲା । କିନ୍ତୁ ରାଜସ୍ଥାନର ଏକ ରେସ୍ତୋରାଁରୁ । ଚେନ୍ନାଇର ଏକ ପାଖ ରେସ୍ତୋରାଁରୁ ଖାଦ୍ୟ ଡେଲିଭର କରିବା ପରିବର୍ତ୍ତେ ରାଜସ୍ଥାନରୁ ଡେଲିଭର ହେବା ଘଟଣା ଅର୍ଡର କରିଥିବା ଯୁବକଙ୍କୁ ଆଶ୍ଚର୍ଯ୍ୟ କରିଥିଲା । ଏହା ସହ ରାଜସ୍ଥାନରୁ ଚେନ୍ନାଇ ଆସୁଥିବା ସ୍ୱିଗୀ ଡେଲିଭରୀ ବଏଙ୍କ ଡେଲିଭର କରିବାର ସମୟ ସୀମା ଆପ୍ର ସାଇଟ୍ରେ ୧୨ ମିନିଟ୍ ଦେଖାଉଥିଲା । ଯାହା ଅର୍ଡର କରିଥିବା ଯୁବକଙ୍କୁ ଆହୁରି ଆଶ୍ଚର୍ଯ୍ୟ କରିଥିଲା ।
Wow @swiggy_in what are you driving? pic.twitter.com/0MlL1cxbZ2
— Bhargav Rajan (@bhargavrajan) 17 February 2019
ଏ ଖବର ଭାର୍ଗବ ରଞ୍ଜନ ନାମକ ଜଣେ ଟୁଇଟର ବ୍ୟବହାରକାରୀ ମ୍ୟାପ୍ର ଫଟୋ ପୋଷ୍ଟ କରି ଓ୍ଵାଓ ସ୍ୱିଗୀ….ତୁମେ କେଉଁ ଗାଡ଼ି ଚଳାଉଛ ବୋଲି ପ୍ରଶ୍ନ କରିଥଲେ । ଭାର୍ଗବଙ୍କ ଏଭଳି ପ୍ରଶ୍ନର ଉତ୍ତର ରଖି, ଆମେ ଆମ ଗ୍ରାହକଙ୍କ ପାଇଁ ଜହ୍ନକୁ ଯାଇ ମଧ୍ୟ ଆସି ପାରିବୁ ବୋଲି କହିଲା ସ୍ୱିଗୀ । ଏହା ସହ ପରେ କ୍ଷମା ପ୍ରାର୍ଥନା କରିବା ସହ ଏଭଳି ଭୁଲ କ’ଣ ପାଇଁ ହେଲା ସେ ନେଇ ତଦନ୍ତ କରାଯିବ ବୋଲି ସ୍ୱିଗୀ ପ୍ରତିଶ୍ରୁତି ଦେଇଥିବା ଜଣା ପଡ଼ିଛି ।
This seems to be the work of God of mischief Loki ? In all seriousness, we have highlighted this issue and taken it very seriously and are actively working on to avoid such mishaps in the future. Thank you for bringing this to light for us Hyperion ? Bon appetite!
— SwiggyCares (@SwiggyCares) 17 February 2019