ଫରିଦାବାଦ୍ ଡାକ୍ତରଖାନାରୁ ସାମ୍ନାକୁ ଆସିଲା ଅଜବ ଦୃଶ୍ୟ, ତକିଆ ନଥିବାରୁ ଯୁବକଙ୍କ ଦୁଇ କଟା ଗୋଡ଼କୁ କରିଦେଲେ ତକିଆ
ନୂଆଦିଲ୍ଲୀ : ହରିୟାଣାର ଫରିଦାବାଦ୍ରେ ଥିବା ବି.କେ ଡାକ୍ତରଖାନାରେ ଏକ ଅମାନବୀୟ ଘଟଣା ଘଟିଛି । ଟ୍ରେନ୍ ଦୁର୍ଘଟଣାର ଶିକାର ହେବା ପରେ ଜଣେ ଯୁବକଙ୍କ ଦୁଇଟି ଗୋଡ଼ କଟି ଯାଇଥିଲା । ଡାକ୍ତରଖାନାକୁ ଚିକିତ୍ସା ପାଇଁ ଅଣାଯାଇଥିବା ବେଳେ ଯୁବକଙ୍କ ଦୁଇ ଗୋଡ଼କୁ ତାଙ୍କ ମୁଣ୍ଡ ତଳେ ତକିଆ କରି ରଖି ଦେବା ଘଟଣା ଏବେ ଚାରିଆଡ଼େ ଚର୍ଚ୍ଚାର ବିଷୟ ପାଲଟିଛି । ତେବେ ଦୁର୍ଘଟଣାର ଯାଞ୍ଚ କରୁଥିବା ଆଇଓ ଏ ବିଷୟରେ କିଛି ଜାଣି ନଥିବା କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗତ ଗୁରୁବାର ପ୍ରଦୀପ ଫ୍ଲାଏଓଭରରୁ ତଳକୁ ଓହ୍ଲାଉଥିବା ବେଳେ ଖସି ପଡ଼ି ଟ୍ରେନ ଚକା ତଳକୁ ଆସି ଯାଇଥିଲେ । ସେଠାରେ ଉପସ୍ଥିତ ଥିବା ଲୋକ ତୁରନ୍ତ ପ୍ରଦୀପଙ୍କୁ ବି.କେ ଡାକ୍ତରଖାନାରେ ଭର୍ତ୍ତି କରିଥିଲେ । ଡାକ୍ତରଖାନାରେ ପହଞ୍ଚି ପ୍ରଦୀପଙ୍କୁ ଷ୍ଟ୍ରେଚରରେ ରଖି ଦିଆଯିବା ପରେ ତାଙ୍କ ଦୁଇଟି ଗୋଡ଼କୁ ତାଙ୍କ ମୁଣ୍ଡ ତଳେ ରଖି ଦିଆଯାଇଥିଲା । ତେବେ ବି.କେ ଡାକ୍ତରଖାନାରେ ପ୍ରାଥମିକ ଚିକିତ୍ସା କରାଯାଇ ତାଙ୍କୁ ତୁରନ୍ତ ଦିଲ୍ଲୀର ଟ୍ରମା ସେଣ୍ଟରକୁ ପଠାଇ ଦିଆଯାଇଥିବା ଜଣା ପଡ଼ିଛି ।