ସାଙ୍ଗମାନଙ୍କଠାରୁ ବାଜି ଜିତିବା ପାଇଁ ବାଣ ଉପରେ ବସିଗଲେ ଯୁବକ, ଚାଲିଗଲା ଜୀବନ

ବେଙ୍ଗାଲୁୁରୁ: ସାଙ୍ଗମାନଙ୍କଠାରୁ ବାଜି ଜିତିବା ପାଇଁ ବାଣ ଉପରେ ବସିଗଲେ ଯୁବକ । ଚାଲିଗଲା ଜୀବନ। ବାଣ ପେଟି ଉପରେ ଯିଏ ବସିବ ତାକୁ ନୂଆ ଅଟୋ ମିଳିବ ବୋଲି ସାଙ୍ଗମାନେ କହିବାରୁ ଯୁବକଜଣକ ଯାଇ ବାଣ ପେଟି ଉପରେ ବସିଯାଇଥିଲେ ବୋଲି ଜଣାପଡ଼ିଛି। ଏହି ଘଟଣାଟି ବେଙ୍ଗାଲୁରୁରେ ଘଟିଥିବା ବେଳେ ପୁଲିସ ମୃତକ ସାବାରିଶ(୩୨)ଙ୍କ ୬ଜଣ ସାଙ୍ଗଙ୍କୁ ଗିରଫ କରିଛି।

ସୂଚନା ମୁତାବକ, ସାବାରିଶ ଓ ତାଙ୍କ ସାଙ୍ଗମାନେ ମଦ ପିଇବା ପରେ ଘର ବାହାରକୁ ବାଣ ଫୁଟାଇବାକୁ ଆସିଥିଲେ। ଏମଧ୍ୟରେ ସାବାରିଶଙ୍କ ସାଙ୍ଗ କହିଥିଲେ ଯିଏ ବାଣର ପେଟି ଉପରେ ବସିବ, ତାକୁ ନୂଆ ଅଟୋ ଦେବି। ନିଶାରେ ଥିବା ସାବାରିଶ ଏହି ଚ୍ୟାଲେଞ୍ଜକୁ ଗ୍ରହଣ କରିବା ସହ ବାଣ ପେଟ ଉପରେ ଯାଇ ବସିଯାଇଥିଲେ। ଏହି ସମୟରେ ତାଙ୍କର ବନ୍ଧୁମାନେ ବାଣରେ ନିଆଁ ଲଗାଇବା ପରେ ସେଠାରୁ ଦୌଡ଼ି ଦୂରସ୍ଥାନକୁ ଚାଲିଯାଇଥିଲେ। ଏମଧ୍ୟରେ ବାଣ ପେଟିରେ ନିଆଁ ଲାଗି ଫୁଟିଯିବାରୁ ସାବାରିଶ ତଳେ  ପଡ଼ିଯାଇଥିଲେ। କୁହାଯାଉଛି ‌ଯେ, ବାଣ ପାଇଁ ତାଙ୍କ ଶରୀରର ଅଙ୍ଗଗୁଡ଼ିକ ନଷ୍ଟ ହୋଇଯିବାରୁ ‌ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା।

ଏନେଇ ସାବାରିଶଙ୍କ ପରିବାର ଲୋକେ ଅଭିଯୋଗ କରିବା ପରେ ପୁଲିସ ତାଙ୍କର ୬ଜଣ ସାଙ୍ଗଙ୍କୁ ଗିରଫ କରିଛି।