ମୁଣ୍ଡ ବିନ୍ଧା ପରେ ବ୍ରେନ୍ ଟ୍ୟୁମର ହୋଇଥିବା କଥା କହିଲେ ଡାକ୍ତର, କିନ୍ତୁ ସର୍ଜରିର ଗୋଟିଏ ଦିନ ପୂର୍ବରୁ ହୋଇଥିଲା ଏଭଳି ଚମତ୍କାର; ଉଡ଼ିଗଲା ଡାକ୍ତରଙ୍କ ହୋସ୍
କାଲିଫର୍ଣ୍ଣିଆ : ଆମେରିକାର ଜଣେ ଯୁବକ ଅନେକ ଦିନ ହେବ ମୁଣ୍ଡ ବିନ୍ଧା ସହ ମୁଣ୍ଡ ବୁଲାଇବା ସମସ୍ୟାର ଶିକାର ହୋଇଥିଲେ । ହଠାତ୍ ଅସହ୍ୟ ମୁଣ୍ଡ ବିନ୍ଧାର କାରଣ କ’ଣ ଜାଣି ପାରୁ ନ ଥିବାରୁ ଯୁବକଜଣକ ପରୀକ୍ଷା କରାଇବା ପାଇଁ ସ୍ଥିର କରିଥିଲେ । ଡ଼ାକ୍ତରଖାନା ଯିବା ପରେ ଡ଼ାକ୍ତର ତାଙ୍କୁ ସିଟି ସ୍କାନ୍ କରିବା ପାଇଁ କହିଥିଲେ । ପରୀକ୍ଷା ପରେ ଯୁବକ ବ୍ରେନ୍ ଟ୍ୟୁମରର ଶିକାର ହୋଇଥିବା କହିଥିଲେ ଡ଼ାକ୍ତର । ମସ୍ତିଷ୍କ ଭିତରେ ରକ୍ତସ୍ରାବ ହେଉଥିବା ଜାଣି ଡ଼ାକ୍ତର ତୁରନ୍ତ ସର୍ଜରୀ କରିବା ପାଇଁ ପରାମର୍ଶ ଦେଇଥିଲେ । ସର୍ଜରୀ କରିବାର ତାରିଖ ଧାର୍ଯ୍ୟ ହେବା ସହ ସବୁ ପ୍ରସ୍ତୁତି ମଧ୍ୟ ସରିଥିଲା । କିନ୍ତୁ ସର୍ଜରୀର ଗୋଟେ ଦିନ ପୂର୍ବରୁ ଆଉ ଥରେ ପରୀକ୍ଷା କରାଯିବା ପରେ ଯୁବକଙ୍କ ମସ୍ତିଷ୍କ ସମ୍ପୂର୍ଣ୍ଣ ସୁସ୍ଥ ଥିବା ଜଣା ପଡ଼ିଥିଲା । ଏପରି ଚମତ୍କାର ଦେଖି ଡ଼ାକ୍ତର ଏବଂ ଯୁବକ ଉଭୟ ଆଶ୍ଚର୍ଯ୍ୟ ହୋଇ ଯାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ପୀଡ଼ିତ ପଲ୍ ଏହାକୁ ଭଗବାନଙ୍କ ଆଶୀର୍ବାଦ ବୋଲି କହୁଥିବା ବେଳେ ତାଙ୍କ ପରିବାର ଲୋକେ ଏବଂ ବନ୍ଧୁମାନଙ୍କ ପ୍ରାର୍ଥନା ପାଇଁ ଏଭଳି ଚମତ୍କାର ହୋଇଥିବା କହିଛନ୍ତି । ଅନ୍ୟ ପକ୍ଷରେ ଡ଼ାକ୍ତର ଏହାକୁ ନେଇ ଏବେ ତଦନ୍ତ କରିବା ଆରମ୍ଭ କରିଛନ୍ତି । ପୂର୍ବରୁ ଦେଖାଯାଉଥିବା ଧଳା ରଙ୍ଗର ପରଦା କୁଆଡ଼େ ଗାଏବ ହୋଇଗଲା ବୋଲି ଭାବି ଏବେ ଚିନ୍ତାରେ ଡାକ୍ତର । ଯେଉଁ କାରଣ ପାଇଁ ସେ ପଲ୍ଙ୍କୁ ନେଇ ଏକ ଗବେଷଣା କରିବେ ବୋଲି ଜଣା ପଡ଼ଥିବା ବେଳେ ଏ ନେଇ ସେ ପଲ୍ଙ୍କଠାରୁ ଅନୁମତି ମଧ୍ୟ ନେଇ ସାରିଥିବା ଜଣାପଡ଼ିଛି ।