ନୂଆଦିଲ୍ଲୀ:ଯାତାୟାତ ସମୟରେ ହେଉ ଅବା କୌଣସି କାମ କରୁଥିବା ବେଳେ ସର୍ବଦା ସତର୍କତା ଅବଲମ୍ବନ କରିବାକୁ କୁହାଯାଇଥାଏ। ସମୟସମୟରେ ସାମାନ୍ୟ ଅସାବଧାନତା ମଣିଷର ଜୀବନ ନେଇ ଯାଇଥାଏ। ନିକଟରେ ଏମିତି ଏକ ଦୁଃଖଦ ଘଟଣାର ଦୃଶ୍ୟ ସିସିଟିଭିରେ କୈଦ ହୋଇଥିଲା। ଯାହାର ଭିଡିଓ ସାମ୍ନାକୁ ଆସିଛି। 

Advertisment

ଭିଡିଓରେ ଦେଖିବାକୁ ମିଳୁଥିବା ଯୁବକ ଜଣକ ପ୍ରତିଦିନ ପରି ଟ୍ରକ୍ ଉପରେ ଚଢ଼ି ଏକ ଦରି ତ୍ରିପାଲ ବିଛାଉଥିଲେ। ଏହି ସମୟରେ ଯୁବକ ଜଣକ ଜାଣି ପାରି ନଥିଲେ ତାଙ୍କ ମୁଣ୍ଡ ଉପରେ ୧୧୦୦୦ କେଭିର ଏକ ଉଚ୍ଚ ଭୋଲଟେଜ୍ ତାର ଯାଇଛି।

ଦରି ତ୍ରିପାଲ ବିଛାଇ ବିଛାଇ ଯୁବକ ଜଣକ ଯେମିତି ଛିଡ଼ା ହୋଇପଡ଼ିଥିଲେ ତାଙ୍କ ମୁଣ୍ଡ ଉକ୍ତ ହାଏଭୋଲଟେଜ ବିଦ୍ୟୁତ ତାର ସଂସ୍ପର୍ଶରେ ଆସି ଯାଇଥିଲା।  କିଛି ସେକେଣ୍ଡ ମଧ୍ୟରେ ତାଙ୍କ ମୁଣ୍ଡରୁ ଧୂଆଁ ଉଠିବାକୁ ଲାଗିଥିଲା। ଗୋଟିଏ ମୁହୂର୍ତ୍ତରେ ଯୁବକଙ୍କ ପ୍ରାଣବାୟୁ ଉଡ଼ି ଯାଇଥିଲା। ସେ ଉକ୍ତ ଟ୍ରକ ଉପରେ ପଡ଼ିଯାଇଥିଲେ।