ଦୁଷ୍କର୍ମ ଅଭିଯୁକ୍ତଙ୍କ ଏନକାଉଣ୍ଟର ଘଟଣାକୁ ସମାଲୋଚନା କଲେ ବିଜେପି ନେତ୍ରୀ ମେନକା ଗାନ୍ଧି : ଆପଣ ଆଇନକୁ ହାତକୁ ନେଇ ପାରିବେ ନାହିଁ
ନୂଆଦିଲ୍ଲୀ: ହାଇଦ୍ରାବାଦ ଏନକାଉଣ୍ଟର ଘଟଣାକୁ ନେଇ ସାରା ଦେଶରେ ଖୁସିର ଲହରି ଖେଳିଯାଇଛି । ମାତ୍ର ୧୦ ଦିନ ଭିତରେ ପୀଡିତାଙ୍କୁ ନ୍ୟାୟ ମିଳିଥିବାରୁ ପୁଲିସକୁ ପ୍ରଶଂସା କରିଛି ସମଗ୍ର ଦେଶ । କିନ୍ତୁ କତିପୟ ନେତା ଓ ବରିଷ୍ଠ ବ୍ୟକ୍ତିବିଶେଷ ଏହି ଏନକାଉଣ୍ଟରକୁ ବିରୋଧ କରିବା ସହ ସମାଲୋଚନା କରିଛନ୍ତି । ଏହି ଘଟଣାକୁ ନେଇ ପ୍ରଶ୍ନ ଉଠାଇଛନ୍ତି ବିଜେପି ସାଂସଦ ମେନକା ଗାନ୍ଧୀ । ସେ କହିଛନ୍ତି, ଅଭିଯୁକ୍ତମାନଙ୍କୁ ଏନକାଉଣ୍ଟର କରିବା ଠିକ୍ ହୋଇନାହିଁ। ଯାହା ହେଲା, ତାହା ଦେଶ ଲାଗି ବହୁତ ଭୟାନକ। ଅପଣ ଆଇନକୁ ନିଜ ହାତକୁ ନେଇ ପାରିବେ ନାହିଁ। ଅଭିଯୁକ୍ତ ଅଦାଲତ ଦ୍ବାରା ଫାଶୀ ପାଇଥାଆନ୍ତେ। ଆମ ଦେଶରେ ଅଦାଲତ ଅଛି , ଆଇନ ବ୍ୟବସ୍ଥା ରହିଛି । ତାହା ସତ୍ତ୍ବେ ଆଇନକୁ ହାତକୁ ନେଇଛି ପୁଲିସ ଏବଂ ଅଭିଯୁକ୍ତମାନଙ୍କୁ ଗୁଳି କରି ହତ୍ୟା କରାଯାଇଛି । ଆଇନ୍ ପ୍ରକ୍ରିୟାରେ ଅଭିଯୁକ୍ତମାନେ ପୁଲିସ ସହ ଯାଇଥିଲେ । କିନ୍ତୁ ପୁଲିସ ଆଇନକୁ ହାତକୁ ନେଇ ସେମାନଙ୍କୁ ଗୁଳି କରି ହତ୍ୟା କରିଛି । ଯଦି ଏଭଳି ଏନକାଉଣ୍ଟର କରାଯାଏ ତେବେ ଦେଶରେ ଆଇନ ବ୍ୟବସ୍ଥା ଓ ଅଦଲାତର କୌଣସି ଆବଶ୍ୟକତା ନାହିଁ ।
Sambad is now on WhatsApp
Join and get latest news updates delivered to you via WhatsApp
#WATCH Maneka Gandhi:Jo hua hai bohot bhayanak hua hai desh ke liye. You can’t take law in your hands,they(accused) would’ve been hanged by Court anyhow. If you’re going to shoot them before due process of law has been followed, then what’s the point of having courts,law&police? pic.twitter.com/w3Fe2whr31
— ANI (@ANI) December 6, 2019
ଅନ୍ୟପକ୍ଷରେ ପୁଲିସ ସୂତ୍ର ଅନୁସାରେ, ଅଦାଲତରେ ଚାର୍ଟସିଟ ଦାଖଲ କରିବା ପରେ ପୁଲିସ ଏହି ଚାରିଜଣ ଅଭିଯୁକ୍ତଙ୍କୁ ରିକ୍ରିଏସନ ପ୍ରକ୍ରିୟା ଲାଗି ଘଟଣାସ୍ଥଳକୁ ନେଇଥିଲା । କିନ୍ତୁ ସେମାନଙ୍କ ମଧ୍ୟରୁ ଜଣେ ଅଭିଯୁକ୍ତ ପୁଲିସ କର୍ମୀଙ୍କ ଠାରୁ ବନ୍ଧୁକ ଛଡାଇ ଖସି ପଳାଇଯିବାକୁ ଉଦ୍ୟମ କରିଥିଲା । ସେମାନଙ୍କୁ ଅଟକାଇବା ପାଇଁ ପୁଲିସ ଗୁଳି ଚାଳନା କରିଥିଲା । ଏହି ଗୁଳିଚାଳନାରେ ଚାରିଜଣ ଅଭିଯୁକ୍ତଙ୍କ ମୃତ୍ୟୁ ହୋଇଥିଲା । ଏହି ଏନକାଉଣ୍ଟର ଭୋର୍ ୩ଟାରୁ ୬ଟା ମଧ୍ୟରେ ହୋଇଥିଲା ବୋଲି ସୂଚନା ରହିଛି।