ଯୋଗୀଙ୍କ ରାସ୍ତାରେ ଖଟ୍ଟର ସରକାର: ଗ୍ୟାଙ୍ଗଷ୍ଟରର ଘରକୁ ମାଟିରେ ମିଶାଇଦେଲା ବୁଲଡୋଜର
ଚଣ୍ଡୀଗଡ଼: ହରିୟାଣାର ମନୋହର ଲାଲ ଖଟ୍ଟର ସରକାର ମଧ୍ୟ ଉତ୍ତରପ୍ରଦେଶର ଯୋଗୀ ସରକାରଙ୍କ ପଥ ଅନୁସରଣ କରିଛନ୍ତି। ମାନେସର ମ୍ୟୁନିସିପାଲିଟି କର୍ପୋରେସନ୍ ଶୁକ୍ରବାର ଦିନ ବୁଲଡୋଜର ଲଗାଇ ଗୁରୁଗ୍ରାମର ବାଢଗୁଜର ଗ୍ରାମରେ ଥିବା କୁଖ୍ୟାତ ଗ୍ୟାଙ୍ଗଷ୍ଟର ସୁବେ ଗୁରଜରଙ୍କ ତିନି ମହଲା କୋଠାକୁ ମାଟିରେ ମିଶାଇଦେଇଛି | ଏହି ସମୟରେ ଗାଁରେ ବହୁ ସଂଖ୍ୟାରେ ପୁଲିସ ମୁତୟନ କରାଯାଇଥିବାବେଳେ ମ୍ୟୁନିସିପାଲିଟି କର୍ପୋରେସନର କର୍ମଚାରୀମାନେ ଗୁରୁବାର ଦିନ ଗାଁରେ ପହଞ୍ଚିଥିଲେ। ଏହି ଟିମ୍ ଦୁଇଟି ଜେସିବି ଦ୍ୱାରା ଗ୍ୟାଙ୍ଗଷ୍ଟରର ଘରର କାନ୍ଥ ଭାଙ୍ଗିବା ଆରମ୍ଭ କରିଥିଲା। ତେବେ ପ୍ରବଳ ବର୍ଷା ହେବାରୁ କର୍ମଚାରୀମାନେ ଫେରି ଆସିଥିଲେ। ଆଉ ଆଜି କର୍ମଚାରୀମାନେ ପହଞ୍ଚି ଘରକୁ ଭାଙ୍ଗି ମାଟିରେ ମିଶାଇଦେଇଛନ୍ତି |
Sambad is now on WhatsApp
Join and get latest news updates delivered to you via WhatsApp
ମାନେସର ମ୍ୟୁନିସିପାଲିଟି କର୍ପୋରେସନ୍ ଡିଟିପି ସଞ୍ଜୟ କୁମାର କହିଛନ୍ତି ଯେ ଏହି ଘରଟି ତିନି ହଜାର ବର୍ଗ ମିଟର କୃଷି ଜମିରେ ବିନା ଅନୁମତିରେ ନିର୍ମାଣ କରାଯାଇଥିଲା | ଏହି ସମ୍ପତ୍ତି ବେଆଇନ ହୋଇଥିବାରୁ ଏହାକୁ ଭାଙ୍ଗି ଦିଆଯାଇଛି। ମାନେସର ମ୍ୟୁନିସିପାଲିଟି କର୍ପୋରେସନ ଏଥିପାଇଁ ନୋଟିସ ଦେଇଥିଲା । ଗ୍ୟାଙ୍ଗଷ୍ଟର ସୁବେ ଗୁରଜର ବିରୋଧରେ ହତ୍ୟା, ଅପହରଣ, ହତ୍ୟା ଉଦ୍ୟମ ସମେତ ୪୨ଟି ଅପରାଧିକ ମାମଲା ରହିଛି। ଏହି ଗ୍ୟାଙ୍ଗଷ୍ଟର ଉପରେ ହରିୟାଣା ପୁଲିସ ମଧ୍ୟ ପାଞ୍ଚ ଲକ୍ଷ ପୁରସ୍କାର ଘୋଷଣା କରିଥିଲା। ବହୁ ବର୍ଷର ପରିଶ୍ରମ ପରେ ଗ୍ୟାଙ୍ଗଷ୍ଟରକୁ ଏସଟିଏଫ ଗିରଫ କରିଥିଲା। ଏହି ଗ୍ୟାଙ୍ଗଷ୍ଟର ବର୍ତ୍ତମାନ ଭୋଣ୍ଡସି ଜେଲରେ ଅଛି। ଏହି ଗ୍ୟାଙ୍ଗଷ୍ଟର ଗୁରୁଗ୍ରାମ, ନୁହଁ, ରେୱାରୀ, ପାଲୱାଲ ଏବଂ ଦିଲ୍ଲୀରେ ଅପରାଧ କରିଥିଲା।