ରାଜସ୍ଥାନରୁ ରାଜ୍ୟସଭାକୁ ଯିବେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ
ନୂଆଦିଲ୍ଲୀ: ପୁଣି ରାଜ୍ୟସଭା ଯିବେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ । ରାଜସ୍ଥାନରେ ଗୋଟିଏ ଆସନ ପାଇଁ ହେବାକୁ ଥିବା ରାଜ୍ୟସଭା ନିର୍ବାଚନରେ ମନମୋହନ ସିଂଙ୍କୁ ପ୍ରାର୍ଥୀ କରିବାକୁ ନିଷ୍ପତ୍ତି ନେଇଛି କଂଗ୍ରେସ । ଆସନ୍ତା ୧୩ ତାରିଖରେ ଜୟପୁର ଯାଇ ମନମୋହନ ସିଂ ରାଜ୍ୟସଭା ପାଇଁ ନାମାଙ୍କନ ଦାଖଲ କରିବେ । ରାଜସ୍ଥାନରେ କଂଗ୍ରେସ ସରକାର ଥିବାରୁ ମନମୋହନ ସିଂ ରାଜ୍ୟସଭାକୁ ଯିବା ନିଶ୍ଚିତ ହୋଇଯାଇଛି । ମନମୋହନଙ୍କ ଭଳି ଅଭିଜ୍ଞ ନେତାଙ୍କୁ ରାଜ୍ୟସଭା ପଠାଇ ସରକାରଙ୍କୁ ବିଭିନ୍ନ ପ୍ରସଙ୍ଗରେ ଘେରିବାକୁ କଂଗ୍ରେସ ରଣନୀତି ପ୍ରସ୍ତୁତ କରିଛି ।
Sambad is now on WhatsApp
Join and get latest news updates delivered to you via WhatsApp
ରାଜସ୍ଥାନ ବିଜେପିର ବରିଷ୍ଠ ନେତା ତଥା ରାଜ୍ୟସଭା ସଦସ୍ୟ ମଦନ ଲାଲ ସୈନିଙ୍କ ନିଧନ ପରେ ଉପନିର୍ବାଚନ ହେବାକୁ ଯାଉଛି । ପ୍ରଧାନମନ୍ତ୍ରୀ ଥିବା ସମୟରେ ମନମୋହନ ସିଂ ଆସାମରୁ ରାଜ୍ୟସଭାକୁ ଆସିଥିଲେ । ତାଙ୍କ କାର୍ଯ୍ୟକାଳ ଗତ ଜୁନ ୧୪ ତାରିଖରେ ଶେଷ ହୋଇଛି । ସେ ୧୯୯୧ ମସିହାରୁ ୨୦୧୯ ଯାଏଁ ରାଜ୍ୟସଭାରେ ସାଂସଦ ରହି ଆସିଛନ୍ତି ।