ବିଜେପି ଟିକେଟ ନ ଦେବାରୁ ବିଦ୍ରୋହୀ ସାଜିଲେ ମନୋହର ପାରିକରଙ୍କ ପୁଅ
Sambad is now on WhatsApp
Join and get latest news updates delivered to you via WhatsApp
ପାଣାଜି: ଗୋଆର ପୂର୍ବତନ ମୁଖ୍ୟମନ୍ତ୍ରୀ ମନୋହର ପାରିକରଙ୍କ ପୁଅ ଉତ୍ପଳ ପାରିକର ସ୍ୱାଧୀନ ଭାବରେ ନିର୍ବାଚନ ପ୍ରତିଦ୍ୱନ୍ଦ୍ୱିତା କରିବେ ବୋଲି ଘୋଷଣା କରିଛନ୍ତି। ଉତ୍ପଳ କହିଛନ୍ତି ଯେ ମୁଁ ସ୍ୱାଧୀନ ପ୍ରାର୍ଥୀ ଭାବରେ ପ୍ରତିଦ୍ୱନ୍ଦ୍ୱିତା କରିବି। ସେ କହିଛନ୍ତି ଯେ ମୁଁ କ୍ଷମତା କିମ୍ବା କୌଣସି ପଦବୀ ପାଇଁ ଲଢ଼ୁନାହିଁ, ମୁଁ ମୋ ପିତାଙ୍କ ମୂଲ୍ୟବୋଧ ପାଇଁ ଲଢ଼ୁଛି , ପୁରୁଣା ବିଜେପି କର୍ମୀମାନେ ମୋ ସହ ଅଛନ୍ତି।
ସୂଚନା ଥାଉ କି ଉତ୍ପଳଙ୍କୁ ବିଜେପି ପକ୍ଷରୁ ଟିକେଟ୍ ଦିଆଯାଇନଥିଲା, ଏହା ପରେ ଆମ୍ ଆଦମୀ ପାର୍ଟି ମଧ୍ୟ ଉତ୍କଳକୁ ଆପ ଟିକେଟ୍ ରେ ପ୍ରତିଦ୍ୱନ୍ଦ୍ୱିତା କରିବାକୁ ଅଫର ଦେଇଥିଲା। ଆମ୍ ଆଦମୀ ପାର୍ଟି ର ଗୋଆ ଉପାଧ୍ୟକ୍ଷ ବାଲ୍ମିକି ନାଇକ ଏକ ବିବୃତ୍ତି ଦେଇ କହିଥିଲେ ଯେ ଯଦି ଉତ୍ପଳ ପାରିକର ଆପ ଟିକେଟ୍ ରେ ପାଣାଜୀ ଆସନରୁ ପ୍ରତିଦ୍ୱନ୍ଦ୍ୱିତା କରିବାକୁ ଚାହାଁନ୍ତି, ତେବେ ମୁଁ ତାଙ୍କ ପାଇଁ ମୋର ପ୍ରାର୍ଥୀତ୍ବ ଛାଡିବାକୁ ପ୍ରସ୍ତୁତ ଅଛି। ଅରବିନ୍ଦ କେଜ୍ରିୱାଲ ପୂର୍ବରୁ କହିଥିଲେ ଯେ ପାରିକର ଜୀଙ୍କୁ ଆମର ବହୁତ ସମ୍ମାନ ଅଛି, ଏବେ ଉତ୍ପଳଙ୍କୁ ନିଷ୍ପତ୍ତି ନେବାକୁ ପଡିବ।
କେଜ୍ରିୱାଲ କହିଥିଲେ ଯେ ଯଦି ଗୋଆର ପୂର୍ବତନ ମୁଖ୍ୟମନ୍ତ୍ରୀ ସ୍ୱର୍ଗତ ମନୋହର ପାରିକରଙ୍କ ପୁଅ ଉତ୍କଳ ପାରିକର ତାଙ୍କ ଦଳରେ ଯୋଗଦେବାକୁ ଚାହୁଁଛନ୍ତି ତେବେ ତାଙ୍କୁ ସ୍ୱାଗତ କରାଯିବ।ସୂଚନା ଥାଉ କି କିଛି ଦିନ ତଳେ ବିଜେପିର ଗୋଆ ଦାୟିତ୍ୱରେ ଥିବା ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ କହିଥିଲେ ଯେ ସେ ମନୋହର ପାରିକର କିମ୍ବା ଅନ୍ୟ କୌଣସି ନେତାଙ୍କ ପୁଅ ହେଲେ ବିଜେପି ଟିକେଟ ପାଇବାକୁ ଯୋଗ୍ୟ ହୋଇପାରିବେ ନାହିଁ। ଏହା ପରେ ତାଙ୍କୁ ଟିକେଟ ଦିଆଯାଇନଥିଲା |