ନୂଆଦିଲ୍ଲୀ: ଆର୍କିଟିକ୍ ସମୁଦ୍ର ମାଧ୍ୟମରେ ୟୁରୋପ ଓ ଏସିଆ ପର୍ଯ୍ୟନ୍ତ ପହଂଚିବାକୁ ସ୍ୱପ୍ନ ଦେଖୁଥିବା ଋଷର ପ୍ରଚେଷ୍ଠାକୁ ଝଟକା ଲାଗିଛି । ‘ମସ୍କୋ ଟାଇମ୍ସ’ରେ ପ୍ରକାଶ ପାଇଥିବା ଖବର ମୁତାବକ ଋଷର ସମୁଦ୍ରତଟ ନିକଟରେ ପାଗ ଖରାପ ରହିବାରୁ ୨୪ ଟି ଜଳ ଜାହଜ ବରଫ ମଧ୍ୟରେ ଫଶି ରହିଛି । ଉଦ୍ଧାର କାର୍ଯ୍ୟ ଜାରି ରହିଥିଲେ ବି ଏଠାରେ ଭୀଷଣ ଜାମ ପରିଲକ୍ଷିତ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ପାଣିପାଗ ବିଭାଗର ଅନୁମାନ ପୂର୍ବରୁ ଏତେ ମାତ୍ରାର ବରଫ ପାତ ଯୋଗୁଁ ଏତେ ସଂଖ୍ୟାର ଜାହଜ ଫଶିଯିବା ଫଳରେ ପୁରା ଉତ୍ତର ରାସ୍ତା ବନ୍ଦ ହୋଇଯାଇଛି । ଏହାର ସୂଚନା ପାଇବା ପରେ ରାସ୍ତା ସଫା କରିବାକୁ ମସ୍କୋରୁ ୨ ଟି ବରଫ କାଟିବା ଜାହାଜ ସହ ରିଲିଫ୍ ସାମଗ୍ରୀ ପହଂଚାଯାଉଛି । ଫଶି ରହିଥିବା ଜାହଜଗୁଡିକର ଦିଗ ପରିବର୍ତ୍ତନ କରିବାକୁ ଲଗାତର ଭାବେ ପ୍ରୟାସ ଜାରି ରହିଛି ।
ଋଷ ନ୍ୟୁଜ ଏଜେନ୍ସି ‘ତାସ୍’ ର ସୂଚନା ମୁତାବକ ପାଣିପାଗର ପୂର୍ବାନୁମାନ ନ ଲଗାଇ ପାରିବା କାରଣରୁ ଏତେମାତ୍ରାରେ ଜାହଜ ଆର୍କିଟିକ୍ ସାଗରରେ ଫଶି ରହିଛି । ସେପଟେ ଋଷ ଅଧିକାରୀ କହିଥିଲେ କି ଏହି ରାସ୍ତା ପୁରା ନଭେମ୍ବର ମାସ ଶେଷ ପର୍ଯ୍ୟନ୍ତ ସଫା ରହିବ । ଏହାର କାରଣ ଭାବେ କୁହାଯାଇଥିଲା ବିଶ୍ୱରେ ବଢୁଥିବା ଉତ୍ତାପ କାରଣରୁ ଏଠାରେ ଜମୁଥିବା ବରଫ ଡେରିରେ ଜମୁଥାଏ ।
ମସ୍କୋ ତରଫରୁ ଏହାର ବିକଳ୍ପ ଚିନ୍ତା କରାଯାଉଛି । ଋଷ ଏବେ ନିଜର ଦୁଇଟି ପରମାଣୁ ଶକ୍ତି ସମ୍ପର୍ଣ୍ଣ ଜାହାଜ ପଠାଇବାକୁ ଯୋଜନା କରୁଛି । ଏହି ଜାହଜ ୧୧ ଇଂଚ ମୋଟେଇର ବରଫକୁ କାଟି ଫଶିଥିବା ଜାହଜଗୁଡିକ ପାଇଁ ରାସ୍ତା ସଫା କରିବାରେ ସହାୟକ ହେବ । ତଥାପି ଅନୁମାନ କରାଯାଉଛି କି ଫଶିଥିବା ଜାହଜଗୁଡିକ ଏଠାରେ ଅନେକମାସ ଧରି ପଡି ରହିବ ।