ପ୍ୟାରିସ :  ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରୋନଙ୍କ ଏକ ଭିଡିଓ ଭାଇରାଲ ହୋଇଛି । ଭିଏତନାମ ଗସ୍ତ ସମୟରେ ବିମାନରୁ ଓହ୍ଲାଇବା ବେଳେ ତାଙ୍କୁ ତାଙ୍କ ପତ୍ନୀ ଚାପୁଡ଼ା ମାରୁଥିବା ଦେଖାଯାଉଛି । ଏବେ ଏହାର ସ୍ପଷ୍ଟୀକରଣ ଦେଇଛନ୍ତି ମାକ୍ରୋନ । ହାନୋଇରେ ସାମ୍ବାଦିକମାନଙ୍କ ସହ କଥାବାର୍ତ୍ତା ସମୟରେ ମାକ୍ରନ୍ କହିଥିଲେ ଯେ ଏହା କୌଣସି ଝଗଡ଼ା ନୁହେଁ ବରଂ "ଆମେ ପରସ୍ପର ସହିତ ମଜା କରୁଥିଲୁ।"

Advertisment

ସୂଚନା ଅନୁସାରେ, ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ ଭିଏତନାମ ପହଞ୍ଚିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି, ଯେଉଁଥିରେ ତାଙ୍କ ପତ୍ନୀ ବ୍ରିଜିଟ୍ ମାକ୍ରନ ବିମାନରୁ ଓହ୍ଲାଇବା ମାତ୍ରେ ତାଙ୍କ ମୁହଁରେ ଚାପୁଡ଼ା ମାରୁଥିବାର ଦେଖାଯାଇଛି। ଏହି ସମୟରେ ଅନ୍ୟ ବରିଷ୍ଠ ଅଧିକାରୀମାନେ ପାଖରେ ଥିବାରୁ ମାକ୍ରୋନ କିଛି ସମୟ ଲଜ୍ଜିତ ଦେଖାଯାଉଥିଲେ । ପରେ ସେ ନିଜକୁ ସମ୍ଭାଳି ବିମାନରୁ ତଳକୁ ଓହ୍ଲାଇଲେ ।

ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ ତାଙ୍କର ଦକ୍ଷିଣ-ପୂର୍ବ ଏସିଆ ଗସ୍ତ ଆରମ୍ଭ କରିବା ପାଇଁ ରବିବାର ସନ୍ଧ୍ୟାରେ ହାନୋଇ (ଭିଏତନାମ)ରେ ପହଞ୍ଚିଛନ୍ତି। ଯଦିଓ ଏହା ଏକ ଗୁରୁତ୍ୱପୂର୍ଣ୍ଣ କୂଟନୈତିକ ଗସ୍ତ ଥିଲା, ଆଲୋଚନାର କେନ୍ଦ୍ରବିନ୍ଦୁ ଉକ୍ତ ଭିଡିଓ କ୍ଲିପ୍ ହୋଇଯାଇଛି, ଯାହାକି ଇଣ୍ଟରନେଟରେ ଦ୍ରୁତ ଗତିରେ ଭାଇରାଲ ହେଉଛି।