ମୋଦୀଙ୍କୁ ନେଇ ପାକିସ୍ତାନ ନେତାଙ୍କ ଭିତରେ କନ୍ଦଳ
ନୂଆଦିଲ୍ଲୀ: ମୋଦୀ ଓ ବିଜେପିକୁ ନେଇ ପାକିସ୍ତାନ ନେତାଙ୍କ ଭିତରେ କନ୍ଦଳ ଦେଖାଦେଇଛି | ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନବାଜ ସରିଫଙ୍କ ଝିଅ ବର୍ତ୍ତମାନ ପ୍ରଧାନମନ୍ତ୍ରୀ ଥିବା ଇମ୍ରାନ ଖାନଙ୍କ ବିରୋଧରେ ସଂଗୀନ ଅଭିଯୋଗ ଆଣିଛନ୍ତି | ନୱାଜଙ୍କ ଝିଅ ମରିୟମ, ଇମ୍ରାନଙ୍କ ତେହେରିକ-ଇ-ଇନସାଫ ପାର୍ଟି ଭ୍ରାତୃ ପାଣ୍ଠି ନେଉଥିବାର ଅଭିଯୋଗ କରିଛନ୍ତି | ଡନ୍ ଖବରକାଗଜ ରିପୋର୍ଟ ଅନୁଯାୟୀ, ମରିୟମ ଅଭିଯୋଗ କରିଛନ୍ତି ଯେ ଇମ୍ରାନ ଭାରତ ଏବଂ ଇସ୍ରାଏଲର ଲୋକଙ୍କଠାରୁ ପାଣ୍ଠି ଗ୍ରହଣ କରୁଛନ୍ତି। ମରିୟମ କହିଛନ୍ତି ଯେ ଭାରତୀୟ ଜନତା ପାର୍ଟିର ସଦସ୍ୟ ଇନ୍ଦର ଦୋସାଞ୍ଜ ଇମ୍ରାନ ଖାନଙ୍କ ପାର୍ଟିକୁ ଅର୍ଥ ଦେଉଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସେହିପରି ଇସ୍ରାଏଲର ବେରି ସି ସ୍ପେନସ ନାମକ ବ୍ୟକ୍ତି ମଧ୍ୟ ତେହେରିକ-ଇ-ଇନସାଫ ପାର୍ଟିକୁ ପାଣ୍ଠି ଦେଉଛନ୍ତି | ମରିୟମ ଏହା ମଧ୍ୟ ଦାବି କରିଛନ୍ତି ଯେ ଉଭୟ ଦେଶର ଅନେକ ଲୋକ ଏବଂ କମ୍ପାନୀଗୁଡିକ ପିଟିଆଇ(ପାକିସ୍ତାନ ତେହେରିକ-ଇ-ଇନସାଫ ପାର୍ଟି) କୁ ପାଣ୍ଠି ଦିଅନ୍ତି। ସୂଚନାଯୋଗ୍ୟ ଯେ ଯେତେବେଳେ ନୱାଜ ସରିଫ ପୂର୍ବରୁ ପାକିସ୍ତାନ ସେନାକୁ ଟାର୍ଗେଟ କରିଥିଲେ, ସେତେବେଳେ ଇମ୍ରାନ କହିଥିଲେ, ‘ପାକିସ୍ତାନର ସେନା ବିଷୟରେ ନୱାଜ ଯାହା କହିଛନ୍ତି ତାହା ପାକିସ୍ତାନର ଜେନେରାଲ ବାଜୱାଙ୍କ ଉପରେ ଆକ୍ରମଣ ନୁହେଁ।
ନରେନ୍ଦ୍ର ମୋଦୀ ଯାହା କହିଛନ୍ତି, ନବାଜ ତାହା କହିଛନ୍ତି । ନରେନ୍ଦ୍ର ମୋଦୀ ଅନେକ ଥର କହିଛନ୍ତି ଯେ ଆମେ ନୱାଜ ସରିଫଙ୍କୁ ପସନ୍ଦ କରୁଛୁ, ପାକିସ୍ତାନୀ ସେନା ମୁଖ୍ୟ ଜଣେ ଆତଙ୍କବାଦୀ। ମୋଦୀ ଅନେକ ଥର ଏହା କହିଛନ୍ତି କିନ୍ତୁ ନୱାଜ ସରିଫ କୌଣସି ପ୍ରତିକ୍ରିୟା ଦେଇନାହାଁନ୍ତି’।