ଆସନ୍ତା ମେ ୨୯ରେ ଲେଫ୍ଟନାଣ୍ଟ ଭାବେ କାର୍ଯ୍ୟରେ ଯୋଗଦେବେ ପୁଲୱାମା ସହିଦଙ୍କ ପତ୍ନୀ
ଡେରାଡୁନ: ପୁଲୱାମାରେ ଆତଙ୍କବାଦୀଙ୍କ ଆକ୍ରମଣରେ ସହିଦ ହୋଇଥିବା ମେଜର ବିଭୁତି ଶଙ୍କର ଢୋଣ୍ଡିଆଲଙ୍କ ପତ୍ନୀ ନିକିତା ଢୋଣ୍ଡିଆଲ ଆସନ୍ତା ମେ ୨୯ରେ ସେ ବିଦ୍ଧିବଧ ଭାବେ ସେନା ପୋଷାକ ପିନ୍ଧି ଲେଫ୍ଟନାଣ୍ଟ ଭାବେ କାର୍ଯ୍ୟରେ ଯୋଗଦେବେ ।
Sambad is now on WhatsApp
Join and get latest news updates delivered to you via WhatsApp
ପ୍ରକାଶିତ ରିପୋର୍ଟ ମୁତାବକ, କାଶ୍ମୀରର ପୁଲୱାମାରେ ୨୦୧୯ ଫେବୃଆରି ୧୮ରେ ଆତଙ୍କବାଦୀ ଆକ୍ରମଣରେ ଡେହରାଡୁନର ବାସିନ୍ଦା ମେଜର ବିଭୁତି ଢୋଣ୍ଡିଆଲ ସହିଦ ହୋଇଥିଲେ । ଏହା ପରେ ନିକିତା ତାଙ୍କ ସ୍ୱାମୀଙ୍କ ପଦାଙ୍କ ଅନୁସରଣ କରି ଦେଶ ସେବା କରିବାକୁ ନିଷ୍ପତ୍ତି ନେଇଥିଲେ । ଏଥିପାଇଁ ସେ ଗତବର୍ଷ ଆହ୍ଲାବାଦରେ ମହିଳା ଏଣ୍ଟ୍ରି ସ୍କିମ୍ ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ଚେନ୍ନାଇର ଅଫିସର୍ସ ଟ୍ରେନିଂ ଏକାଡେମିରେ ତାଲିମ ନେଉଥିଲେ । ସମ୍ପ୍ରତି ନିକିତାଙ୍କ ତାଲିମ ଶେଷ ହୋଇଯାଇଛି। ସେ ଲେଫ୍ଟନାଣ୍ଟ ଭାବରେ ସେନାରେ ଯୋଗଦେବାକୁ ସମ୍ପୂର୍ଣ୍ଣ ପ୍ରସ୍ତୁତ ହୋଇସାରିଛନ୍ତି । ଏହା ଏକ ଭଲ ଖବର ଥିବା ସହିତ ଅନ୍ୟମାନଙ୍କ ପାଇଁ ପ୍ରେରଣା ମଧ୍ୟ।
ଗତ ବର୍ଷ ଆହ୍ଲାବାଦରେ ମହିଳା ଏଣ୍ଟ୍ରି ସ୍କିମ୍ ପରୀକ୍ଷା ହୋଇଥିଲା। ଏହି ପରୀକ୍ଷା ମେଜର ବିଭୁତି ଶଙ୍କର ଢୋଣ୍ଡିଆଲଙ୍କ ପତ୍ନୀ ନିକିତା ଢୋଣ୍ଡିଆଲ ଦେଇଥିଲେ। ଆଉ ସଫଳ ବି ହୋଇଥିଲେ। ନିକିତାଙ୍କୁ ୨୯ରେ ପାସ୍ ଆଉଟ କରାଯିବ । ଏହି ଉତ୍ସବରେ ତାଙ୍କ ପିତାଙ୍କୁ ଛାଡିଦେଲେ ଅନ୍ୟ କେହି ସାମିଲ ହୋଇପାରିବେ ନାହିଁ ବୋଲି ଲେଫ୍ଟନାଣ୍ଟ କର୍ଣ୍ଣେଲ ବିକାଶ ନୌଟିୟାଲ ସୂଚନା ଦେଇ କହିଛନ୍ତି।