ହାଓଡ଼ା ପୋଲ ନିକଟ କେମିକାଲ୍‌ ଗୋଦାମରେ ଭୀଷଣ ଅଗ୍ନିକାଣ୍ଡ; ଘଟଣାସ୍ଥଳରେ ୨୦ ଦମକଳ

କୋଲ୍‌କାତା: ଶନିବାର ଦିନ ହାଓଡ଼ା ପୋଲ ନିକଟରେ ଥିବା ଗୋଟାଏ କେମିକାଲ୍‌ ଗୋଦାମରେ ନିଆଁ ଲାଗିଛି।

ଘଟଣାସ୍ଥଳରେ ୨୦ଟି ଦମକଳ ପହଞ୍ଚି ନିଆଁ ଲିଭାଇବାକୁ ଉଦ୍ୟମ କରୁଛନ୍ତି।

ଜଗନ୍ନାଥ ଘାଟ ନିକଟରେ ଅବସ୍ଥିତ ସେ ଗୋଦାମଟି ନିଆଁ ଲାଗିଥିବା ବେଳେ ବନ୍ଦ ଥିଲା ବୋଲି ସରକାରୀ ଅଧିକାରୀମାନେ କହିଛନ୍ତି। ଏବେ ପରିସ୍ଥିତି ନିୟନ୍ତ୍ରଣାଧୀନ ବୋଲି ସେମାନେ କହିଛନ୍ତି।

ରାତି ପ୍ରାୟ ୨ଟାରେ ଘଟିଥିବା ଏହି ଅଗ୍ନିକାଣ୍ଡ ଯୋଗୁଁ କେହି ମୃତାହତ ହୋଇଥିବା ଜଣାପଡ଼ି ନାହିଁ।

ଘଟଣାସ୍ଥଳରେ ପଶ୍ଚିମବଙ୍ଗ ଅଗ୍ନି ଓ ଜରୁରୀ ସେବା ମନ୍ତ୍ରୀ ସୁଜିତ ବୋଷ ଏବଂ ଅଗ୍ନିଶମ ବିଭାଗର ଡିଜି ଉପସ୍ଥିତ ଥିଲେ।

ଅଗ୍ନିକାଣ୍ଡ ଯୋଗୁଁ ଷ୍ଟ୍ରାଣ୍ଡ୍‌ ବ୍ୟାଙ୍କ୍‌ ରୋଡ୍‌ରେ ଚଳାଚଳ କରୁଥିବା ଯାନବାହନଗୁଡ଼ିକର ପଥ ପରିବର୍ତ୍ତନ କରାଯାଇଥିଲା।