ଗୋଟିକରେ ଲଢ଼ିବୁ, ଆରଟିକୁ ଛାଡ଼ିବୁ: ମାୟାବତୀ
ଲଖନଉ: ବହୁଜନ ସମାଜ ପାର୍ଟି ବା ବିଏସପିର ଅଧ୍ୟକ୍ଷ ତଥା ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ମାୟାବତୀ ଜୁନ୍ ୨୩ରେ ହେବାକୁ ଥିବା ଲୋକସଭା ଉପ-ନିର୍ବାଚନରେ ଆଜମଗଡରେ ପ୍ରାର୍ଥୀ ଦେବାକୁ ନିଷ୍ପତ୍ତି ନେଇଛନ୍ତି। ତେବେ ଦଳ ରାମପୁର ଉପନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବ ନାହିଁ। ଆଜି ଦଳୀୟ ନେତାଙ୍କ ସହ ସମୀକ୍ଷା ବୈଠକ ପରେ ଦଳର ମୁଖ୍ୟ ମାୟାବତୀ କହିଛନ୍ତି ଯେ ବିଏସପି ହେଉଛି ସୀମିତ ସମ୍ବଳ ବିଶିଷ୍ଟ ଏକ ଦଳ | ଯାହା ବଡ ବଡ ପୁଞ୍ଜିପତି ତଥା ଧନୀ ବ୍ୟକ୍ତିଙ୍କ ଟଙ୍କାରେ ଚାଲୁଥିବା ଦଳ ସହ ପ୍ରତିଦ୍ୱନ୍ଦ୍ୱିତା କରିବା କଷ୍ଟ ।
Sambad is now on WhatsApp
Join and get latest news updates delivered to you via WhatsApp
ମାୟାବତୀ କହିଛନ୍ତି ଯେ, ଉତ୍ତରପ୍ରଦେଶରେ ଜୁନ୍ ୨୩ରେ ହେବାକୁ ଥିବା ଲୋକସଭା ଉପ-ନିର୍ବାଚନରେ ଗୋଟିଏ ଆସନ ପାଇଁ ପ୍ରାର୍ଥୀ ଦେବାକୁ ନିଷ୍ପତ୍ତି ନିଆଯାଇଛି। ବିଏସପି ଆଜମଗଡ ଉପ-ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବ, କିନ୍ତୁ ରାମପୁର ଲୋକସଭା ଆସନରେ ପ୍ରାର୍ଥୀ ଦେବ ନାହିଁ। ।
ସୂଚନାଯୋଗ୍ୟ ଯେ, ମେନପୁରୀର କରହଲ ବିଧାନସଭା ନିର୍ବାଚନମଣ୍ଡଳୀରୁ ବିଧାୟକ ଭାବେ ନିର୍ବାଚିତ ହେବା ପରେ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ଆଜମଗଡ ସାଂସଦ ପଦରୁ ଇସ୍ତଫା ଦେଇଥିଲେ । ଏଥି ସହ ବରିଷ୍ଠ ସମାଜବାଦୀ ପାର୍ଟି ନେତା ଆଜମ ଖାନ ରାମପୁରରୁ ବିଧାନସଭା ନିର୍ବାଚନରେ ଜିତିବା ପରେ ରାମପୁର ଲୋକସଭା ନିର୍ବାଚନମଣ୍ଡଳୀରୁ ସାଂସଦ ପଦରୁ ଇସ୍ତଫା ଦେଇଥିଲେ । ଏହି ଦୁଇ ନେତାଙ୍କ ଇସ୍ତଫା ପରେ ଖାଲି ପଡିଥିବା ଉଭୟ ଆସନରେ ଜୁନ୍ ୨୩ରେ ଉପ-ନିର୍ବାଚନ ପାଇଁ ମତଦାନ ହେବ।