୧୬ ରାଜ୍ୟରେ ୩୪୯୫ ଏମ୍ବିବିଏସ୍ ସିଟ୍ ବଢ଼ିବ, ଓଡ଼ିଶାରେ ୨୦୦ ସିଟ୍ ବୃଦ୍ଧି ସମ୍ଭାବନା
ନୂଆଦିଲ୍ଲୀ : ଓଡ଼ିଶା ସମେତ ରାଜସ୍ଥାନ, ମଧ୍ୟପ୍ରଦେଶ, କର୍ଣ୍ଣାଟକ, ତାମିଲନାଡ଼ୁ, ଗୁଜରାଟ, ଆନ୍ଧ୍ରପ୍ରଦେଶ, ମହାରାଷ୍ଟ୍ର, ଝାଡ଼ଖଣ୍ଡ, ପଞ୍ଜାବ, ପଶ୍ଚିମବଙ୍ଗ, ଜମ୍ମୁ-କାଶ୍ମୀର, ମଣିପୁର ଓ ଉତ୍ତର ପ୍ରଦେଶରେ ୩୪୯୫ ଏମ୍ବିବିଏସ୍ ସିଟ୍ ବଢ଼ିବ। ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ଏହି ନିଷ୍ପତ୍ତି ନେଇଛି। ଓଡ଼ିଶାରେ ୨୦୦ ସିଟ୍ ବୃଦ୍ଧି ହେବାର ସମ୍ଭାବନା ରହିଛି। ରାଜସ୍ଥାନରେ ସର୍ବାଧିକ ୭ ଶହ ସିଟ୍ ଓ ମଧ୍ୟପ୍ରଦେଶରେ ୬ ଶହ ସିଟ୍ ବଢ଼ିବ।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ରୀୟ ପ୍ରାୟୋଜିତ ଯୋଜନାରେ ସରକାରୀ ମେଡିକାଲ କଲେଜକୁ ଅପଗ୍ରେଡ୍ କରାଯିବା ପରେ ସିଟ୍ ସଂଖ୍ୟାକୁ ବୃଦ୍ଧି କରାଯାଇଛି। ବର୍ତ୍ତମାନ ଓଡ଼ିଶାରେ ମୋଟ ୨୧୨୫ଟି ସିଟ୍ ରହିଛି। ଏଥି ମଧ୍ୟରୁ ୯ଟି ସରକାରୀ ମେଡିକାଲ କଲେଜରେ ୧୩୭୫ ଓ ୪ ଟି ଘରୋଇ ମେଡିକାଲ କଲେଜରେ ୭୫୦ଟି ସିଟ୍ ରହିଛି। ନ୍ୟାସନାଲ୍ ମେଡିକାଲ କମିସନଙ୍କ ତଥ୍ୟ ଅନୁସାରେ ଦେଶରେ ସମୁଦାୟ ୬୧୨ ମେଡିକାଲ କଲେଜରେ ୯୧ ହଜାର ୯୨୭ ଏମ୍ବିବିଏସ୍ ସିଟ୍ ରହିଛି।