ମା’ ସହିତ କଥା ହେବାର କିଛି ସମୟ ପରେ ଉଡ଼ିଗଲା ଏମବିବିଏସ ଛାତ୍ରଙ୍କ ପ୍ରାଣବାୟୁ

ନୂଆଦିଲ୍ଲୀ: କଜାକିସ୍ତାନରେ ପରିବାର ସହିତ କଥା ହେବାର କିଛି ସମୟ ପରେ ଜଣେ ଏମବିବିଏସ ଛାତ୍ରଙ୍କ ମୃତ୍ୟୁ ହୋଇଥିବାର ଦୁଃଖଦ ଘଟଣା ସାମ୍ନାକୁ ଆସିଛି। ମୃତ ଛାତ୍ରଙ୍କ ନାମ ଉତ୍କର୍ଷ ଶର୍ମା ଥିବା ଜଣେ ପଡ଼ିଛି। ଉତ୍କର୍ଷଙ୍କ ବାପାଙ୍କ ନାମ ଡାକ୍ତର ଶୈଳେନ୍ଦ୍ର ଶର୍ମା।

ପୁଅ ମୃତ୍ୟୁକୁ ନେଇ ବାପା ଶୈଳେନ୍ଦ୍ର କହିଛନ୍ତି, ‘ପ୍ରତିଦିନ ଭଳି ପୁଅ ଜିମ ଯାଇଥିଲା। ଜିମରୁ ଫେରିବା ପରେ ଘ‌ରେ ପହଞ୍ଚି କିଛି ଖାଦ୍ୟ ଖାଇବା ପରେ ବୁଲିବାକୁ ବାହାରି ପଡ଼ିଥିଲା। ଏହି ସମୟ‌ରେ ହଠାତ ତାର ସ୍ବାସ୍ଥ୍ୟାବସ୍ଥା ବିଗିଡ଼ି ଯାଇଥିଲା। ସାଙ୍ଗମାନେ ତାକୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ କିନ୍ତୁ ଡାକ୍ତର ତାକୁ ମୃତ ଘୋଷଣା କରିଥିଲେ। 

ପୁଅର ଏଭଳି ମୃତ୍ୟୁ ଖବର ପାଇବା ପରେ ପରିବାର ସଦସ୍ୟ ପୁରାପୁରି ସ୍ତବ୍ଧ ହୋଇଯାଇଛନ୍ତି। କାରଣ ଏହି ଦୁଃଖଦ ଘଟଣା ଘଟିବାର କିଛି ସମୟ ପୂର୍ବରୁ  ଉତ୍କର୍ଷ ତାର ମା’ଙ୍କ ସହିତ ଢ଼େର ସମୟ ଧରି କଥା ହୋଇଥିଲା। କଥା ହେବାର କିଛି ସମୟ ପରେ ପୁଅ ଯେ ଆମ ସମସ୍ତଙ୍କୁ ପର କରି ଏମିତି ଆରପାରିକୁ ଚାଲିଯିବ ସେ କଥା କେହି ବିଶ୍ବାସ କରି ପାରି ପାରୁ ନାହାନ୍ତି।

ଉତ୍କର୍ଷଙ୍କ ପୂର୍ବରୁ କୌଣସି ପ୍ରକାର ସ୍ବାସ୍ଥ୍ୟ ସମସ୍ୟା ନଥିବା ବେଳେ ତାର ମୃତ୍ୟୁର କାରଣ ହୃଦଘାତ ହେତୁ ହୋଇଥିବା ଡାକ୍ତରଙ୍କ ସୂତ୍ରରୁ ପ୍ରକାଶ। ଯଥାଶୀଘ୍ର ଉତ୍କର୍ଷର ମୃତଦେହକୁ ବାସସ୍ଥାନକୁ ଆଣିବା ପାଇଁ ବ୍ୟବସ୍ଥା କରାଯାଉଛି।’