ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଆଜି ବିଧାନସଭାରେ ମହାନଗର ନିଗମ ନିର୍ବାଚନକୁ ସ୍ଥଗିତ ରଖିବା ପ୍ରସଙ୍ଗ ଉଠାଇଛନ୍ତି। ସେ କହିଛନ୍ତି ଯେ ବିଜେପିର ଲୋକମାନେ ଭୟଭୀତ। ଯଦି ସେମାନଙ୍କର ସାହାସ ଅଛି, ତେବେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରି ଦେଖାନ୍ତୁ।
Sambad is now on WhatsApp
Join and get latest news updates delivered to you via WhatsApp
ବିଜେପିକୁ ଟାର୍ଗେଟ କରି ମୁଖ୍ୟମନ୍ତ୍ରୀ କେଜ୍ରିୱାଲ କହିଛନ୍ତି ଯେ, ବିଜେପି କହୁଛି ସେ ହେଉଛି ବିଶ୍ୱର ସବୁଠାରୁ ବଡ ଦଳ ଏବଂ ଆମେ ଦୁନିଆର ସବୁଠାରୁ ଛୋଟ ଦଳ। ବଡ଼ ଦଳ ହୋଇ ବି ବିଜେପି ଭୟଭୀତ। ଦୁନିଆର ସବୁଠୁ ବଡ ଦଳ ଛୋଟ ଦଳକୁ ଡରୁଛି। ଯଦି ଆପଣଙ୍କର ସାହସ ଅଛି, ତେବେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରି ଏହାକୁ ଜିତି ଦେଖାଅ।
#TheKashmirFiles : आज 8 साल में अगर किसी प्रधानमंत्री को @vivekagnihotri के चरणों में शरण लेनी पड़े तो इसका मतलब है कि 8 साल में PM ने कोई काम नहीं किया है।
-CM @ArvindKejriwal pic.twitter.com/K5clqMXHq8
— AAP (@AamAadmiParty) March 24, 2022
ଫିଲ୍ମ ‘ଦ କଶ୍ମୀର ଫାଇଲ୍ସ’ ଉପରେ ସେ ବିଜେପିକୁ ଟାର୍ଗେଟ କରି କହିଛନ୍ତି ଯେ, ବିଜେପି ନେତାମାନେ ଫିଲ୍ମ ‘ଦ କଶ୍ମୀର ଫାଇଲ୍ସ’ ପୋଷ୍ଟର ଲଗାଉଛନ୍ତି। ଏହି ଚଳଚ୍ଚିତ୍ରର ପ୍ରଚାର ବିଜେପି ବନ୍ଦ କରିବା ଉଚିତ୍। କିଛି ଲୋକ ଏହି ଚଳଚ୍ଚିତ୍ର ନାଁରେ କୋଟି କୋଟି ଆୟ କରିଛନ୍ତି ଏବଂ ବିଜେପି ପୋଷ୍ଟର ଲଗାଉଛି। ୮ବର୍ଷ କ୍ଷମତାରେ ରହି ଯଦି କୌଣସି ପ୍ରଧାନମନ୍ତ୍ରୀଙ୍କୁ ବିବେକ ଅଗ୍ନିହୋଟ୍ରିଙ୍କ ପାଦତଳେ ଆଶ୍ରୟ ନେବାକୁ ପଡୁଛି, ଏହାର ଅର୍ଥ ହେଉଛି ପ୍ରଧାନମନ୍ତ୍ରୀ ୮ବର୍ଷ ମଧ୍ୟରେ କୌଣସି କାର୍ଯ୍ୟ କରିନାହାଁନ୍ତି। ‘ଦ କଶ୍ମୀର ଫାଇଲ୍ସ’କୁ ଟିକସ ମୁକ୍ତ କରିବା ପାଇଁ କାହିଁକି ଦାବି କରାଯାଉଛି। ଏହାକୁ ୟୁଟ୍ୟୁବରେ ଅପଲୋଡ୍ କରାଯିବା ଉଚିତ, ଯାହା ଦ୍ବାରା ସମସ୍ତେ ଏହାକୁ ସହଜରେ ଦେଖିପାରିବେ।