ନୂଆଦିଲ୍ଲୀ: ଭାରତର ‘ଅଭ୍ୟନ୍ତରୀଣ ସମସ୍ୟା’ ହସ୍ତକ୍ଷେପ କହି ଜାତିସଂଘ ନିରାପତ୍ତା ପରିଷଦ୍ ବୈଠକରେ କଶ୍ମୀର ପ୍ରସଙ୍ଗ ଉଠାଇବା ଲାଗି ଚୀନ୍ର ଉଦ୍ୟମକୁ ଗୁରୁବାର ଦିନ ବୈଦେଶିକ ବ୍ୟାପାର ମନ୍ତ୍ରାଳୟ ଅଗ୍ରାହ୍ୟ କରିଦେଇଛି।
ଏକ ବିବୃତିରେ ଭାରତର ବୈଦେଶିକ ବ୍ୟାପାର ମନ୍ତ୍ରାଳୟ କହିଛି, ଭାରତୀୟ କେନ୍ଦ୍ରଶାସିତ ଅଞ୍ଚଳ ଜମ୍ମୁ ଓ କଶ୍ମୀର ପ୍ରସଙ୍ଗରେ ଜାତିସଂଘ ନିରାପତ୍ତା ପରିଷଦ୍ରେ ଆଲୋଚନା କରିବାକୁ ଚୀନ୍ କଥା ଉଠାଇଥିବା ଆମେ ଲକ୍ଷ୍ୟ କରିଛୁ। ଚୀନ୍ ପ୍ରଥମ ଥର ଲାଗି ଭାରତର ଏକାନ୍ତ ଅଭ୍ୟନ୍ତରୀଣ ବିଷୟ ଉଠାଇନାହିଁ। ପୂର୍ବରୁ ମଧ୍ୟ ଚୀନ୍ ଉଠାଇ ଥିବା ଏ ଭଳି ଅନେକ ପ୍ରସଙ୍ଗକୁ ଆନ୍ତର୍ଜାତିକ ସମୁଦାୟ ସମର୍ଥନ କରି ନାହାନ୍ତି।
ଏ ଭଳି ନିଷ୍ଫଳ ଉଦ୍ୟମର ଅବସାନ କରୁ ବୋଲି ବୈଦେଶିକ ବ୍ୟାପାର ମନ୍ତ୍ରାଳୟ ଚୀନ୍କୁ କହିଛି। ଆମ ଅଭ୍ୟନ୍ତରୀଣ ମାମଲାରେ ଚୀନ୍ର ହସ୍ତକ୍ଷେପକୁ ଆମେ ତୀବ୍ର ପ୍ରତ୍ୟାଖ୍ୟାନ କରିଛୁ। ଏବଂ ଏଭଳି ନିଷ୍ଫଳ ଉଦ୍ୟମର ସମୁଚ୍ଚିତ ଅବସାନ ଘଟାଉ ବୋଲି ଚୀନ୍କୁ କହିଛୁ।