‘ବନ୍ଦେ ଭାରତ ମିଶନ’ର ଦ୍ଵିତୀୟ ପର୍ଯ୍ୟାୟରେ ୧୬୨ ବିମାନରେ ୪୭ଟି ଦେଶରେ ଫସି ରହିଥିବା ଭାରତୀୟଙ୍କୁ ଅଣାଯିବ: ଏମଇଏ
ନୂଆଦିଲ୍ଲୀ: ମେ ୧୬ରୁ ଦ୍ୱିତୀୟ ପର୍ଯ୍ୟାୟ ‘ବନ୍ଦେ ଭାରତ ମିଶନ’ ଆରମ୍ଭ ହୋଇଛି। ଏ ସଂପକର୍କରେ ତଥ୍ୟ ପ୍ରଦାନ କରି ଗୁରୁବାର ବୈଦେଶିକ ବ୍ୟାପାର ମନ୍ତ୍ରାଳୟ(ଏମଇଏ)ର ମୁଖପାତ୍ର ଅନୁରାଗ ଶ୍ରୀବାସ୍ତବ କହିଛନ୍ତି ଯେ ଏଥର ଇସ୍ତାନବୁଲ, ହୋ ଚି ମିନି ସହର ଏବଂ ଲାଗୋସ ଭଳି ସ୍ଥାନକୁ ଅନ୍ତର୍ଭୁକ୍ତ କରାଯିବ ଓ ସେଠାରୁ ଭାରତୀୟଙ୍କୁ ଅଣାଯିବ।
Sambad is now on WhatsApp
Join and get latest news updates delivered to you via WhatsApp
ଏମଇଏ ମୁଖପାତ୍ର କହିଛନ୍ତି, ଆମେ ମେ ୧୬ରୁ ‘ବନ୍ଦେ ଭାରତ ମିଶନ’ର ଦ୍ୱିତୀୟ ପର୍ଯ୍ୟାୟକୁ ଯାଇଛୁ। ଏହି ପର୍ଯ୍ୟାୟ ଜୁନ୍ ୧୩ ପର୍ଯ୍ୟନ୍ତ ଚାଲିବ। ଆମେ ୧୬୨ ବିମାନରେ ୪୭ଟି ଦେଶରେ ଫସି ରହିଥିବା ଆମର ନାଗରିକଙ୍କୁ ଫେରାଇ ଆଣିବାକୁ ଚେଷ୍ଟା କରୁଛୁ। ଏହି ପର୍ଯ୍ୟାୟରେ, ଆମେ ଇସ୍ତାନବୁଲ, ହୋ ଚି ମିନ୍ ସହର, ଲାଗୋସ୍ ଇତ୍ୟାଦି ସ୍ଥାନଗୁଡିକୁ ଅନ୍ତର୍ଭୁକ୍ତ କରିଛୁ ଏବଂ ଆମେରିକା ଏବଂ ୟୁରୋପକୁ ବିମାନ ଉଡ଼ାଣ ବୃଦ୍ଧି କରିଛୁ।
ଅନୁରାଗ ଶ୍ରୀବାସ୍ତବ ଆହୁରି ମଧ୍ୟ କହିଛନ୍ତି ଯେ “ଅନ୍ୟ ଦେଶରୁ ନାଗରିକଙ୍କୁ ଆଣିବା ପାଇଁ ଆସୁଥିବା ବିମାନ ଯୋଗେ ମଧ୍ୟ ଆମେ ଆମର ନାଗରିକଙ୍କୁ ଭାରତ ଫେରାଇ ଆଣୁଛୁ | ଆମେ ଆର୍ଜେଣ୍ଟିନା, ଦକ୍ଷିଣ ଆଫ୍ରିକା, ପେରୁ, ମୋଙ୍ଗୋଲିଆ ଭଳି ଦୂର ଦେଶରୁ ଆମର ନାଗରିକମାନଙ୍କୁ ଫେରାଇ ଆଣୁଛୁ। ”
ସୂଚନାଯୋଗ୍ୟ, ଆଜି ‘ବନ୍ଦେ ଭାରତ ମିଶନ’ ଆରମ୍ଭ ହେବାକୁ ୧୫ଦିନ ପୂରି ସାରିଛି | ଆଜି ଅପରାହ୍ନ ସୁଦ୍ଧା ୨୩,୪୭୫ ଭାରତୀୟ ନାଗରିକ ଏହି ମିଶନ ଅଧୀନରେ ନିରାପଦରେ ଭାରତକୁ ଫେରିଛନ୍ତି। ସେମାନଙ୍କ ମଧ୍ୟରେ ୪,୮୮୩ ଶ୍ରମିକ, ୪,୧୯୬ ଛାତ୍ର, ଅନ୍ୟମାନଙ୍କ ମଧ୍ୟରେ ୩୦୮୭ ପ୍ରଫେସନାଲ ଅନ୍ତର୍ଭୁକ୍ତ | ୯୮ଟି ଦେଶରୁ ଫେରିବା ପାଇଁ ୨୫୯୦୦୧ ଜଣ ପଞ୍ଜୀକୃତ ହୋଇଥିବା ଏହି ବିବୃତିରେ କୁହାଯାଇଛି| ଯେଉଁମାନେ ଫେରିବାକୁ ପଞ୍ଜୀକୃତ ହୋଇଛନ୍ତି ସେମାନଙ୍କ ମଧ୍ୟରୁ ୨୮% ହେଉଛନ୍ତି ଶ୍ରମିକ, ଛାତ୍ର ପ୍ରାୟ ୨୫%, ବୃତ୍ତିଗତ ୧୪.୫%, ପର୍ଯ୍ୟଟକଙ୍କ ପରି ସ୍ୱଳ୍ପକାଳୀନ ଭିସାଧାରୀ ୭.୬% ରହିଛନ୍ତି।