ନକ୍ସଲ ବିରୋଧୀ ଅଭିଯାନ ପାଇଁ ଜୁନ୍ରେ ବୈଠକ
ନୂଆଦିଲ୍ଲୀ : ଆସନ୍ତା ମାସରେ ଓଡ଼ିଶା, ଛତିଶଗଡ଼, ତେଲେଙ୍ଗାନା, ଆନ୍ଧ୍ରପ୍ରଦେଶ ଓ ମହାରାଷ୍ଟ୍ର ମଧ୍ୟରେ ନକ୍ସଲ ବିରୋଧୀ ଅଭିଯାନ ପାଇଁ ଏକ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହେବ। ରାଜ୍ୟ ରାଜ୍ୟ ମଧ୍ୟରେ ସମନ୍ବୟ ସ୍ଥାପନ ଏହି ବୈଠକର ମୂଳ ଲକ୍ଷ୍ୟ।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ର ସ୍ବରାଷ୍ଟ୍ର ବ୍ୟାପାର ମନ୍ତ୍ରାଳୟ ସୂତ୍ରରୁ ମିଳିଥିବା ସୂଚନା ଅନୁସାରେ ପ୍ରସ୍ତାବିତ ବୈଠକରେ ନକ୍ସଲମାନଙ୍କ ଦ୍ବାରା ତ୍ରି ଛକ (କର୍ଣ୍ଣାଟକ-କେରଳ-ତାମିଲନାଡ଼ୁ) ଗଠନ କରାଯାଇ ନୂଆ ଇଲାକାରେ ନିଜର ଉପସ୍ଥିତି ଜାହିର କରିବାର ପ୍ରୟାସ ଉପରେ ସଂପୂର୍ଣ୍ଣରୂପେ ଅଙ୍କୁଶ ଲଗାଇବା ପାଇଁ ବୈଠକରେ ରଣନୀତି ପ୍ରସ୍ତୁତ କରାଯିବ। ଉପରୋକ୍ତ ରାଜ୍ୟମାନଙ୍କ ସହିତ କେନ୍ଦ୍ର ସରକାର ନିୟମିତ ଯୋଗାଯୋଗରେ ରହିଥିବା କେନ୍ଦ୍ର ସ୍ବରାଷ୍ଟ୍ର ମନ୍ତ୍ରାଳୟର ଜଣେ ପଦସ୍ଥ ଅଧିକାରୀ କହିଛନ୍ତି।