ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫ୍ତିଙ୍କୁ ଗିରଫ କରାଯାଉ : କବିନ୍ଦର ଗୁପ୍ତା
ନୂଆଦିଲ୍ଲୀ:ଭାରତୀୟ ଜନତା ପାର୍ଟି ନେତା ଜମ୍ମୁୁ-କଶ୍ମୀରର ପୂର୍ବତନ ଉପ ମୁଖ୍ୟମନ୍ତ୍ରୀ କବିନ୍ଦର ଗୁପ୍ତା କହିଛନ୍ତି ଯେ ଜମ୍ମୁ କଶ୍ମୀରରେ ମଦ୍ରାସା ଗୁଡିକୁ ସଂପୂର୍ଣ୍ଣ ରୂପେ ନିଷିଦ୍ଧ କରାଯିବା ଉଚିତ ଓ ଜମାତ୍-ଏ ଇସଲାମ୍କୁ ଯଦି ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫ୍ତି ସମର୍ଥନ କରୁଥାନ୍ତି, ତେବେ ତାଙ୍କୁ ଗିରଫ କରାଯାଉ। ସେ ଆହୁରି ମଧ୍ୟ କହିଛନ୍ତି ଯେ ବଙ୍ଗଳା ଦେଶ ଓ ଆଫଗାନିସ୍ତାନରେ ମଧ୍ୟ ଆତଙ୍କବାଦୀ କାର୍ଯ୍ୟକଳାପ ବୃଦ୍ଧି ପାଉଥିବା ଯୋଗୁଁ ମଦ୍ରାସାଗୁଡିକୁ ନିଷିଦ୍ଧ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ପିଡିପ ମୁଖ୍ୟ ତଥା ପୂର୍ବତନ ମୁଖ୍ୟମନ୍ତ୍ରୀ ମେହେବୁବା ମୁଫ୍ତି ଅନନ୍ତନାଗ ଜିଲ୍ଲାରେ କେନ୍ଦ୍ର ସରକାରଙ୍କ ପକ୍ଷରୁ ‘ଜମାତ୍-ଏ-ଇସଲାମ୍’କୁ ନିଷିଦ୍ଧ କରିବା ବିରୁଦ୍ଧରେ ଆନ୍ଦୋଳନ କରିଥିଲେ। ସେ ଏଥିରେ ଦାବି କରିଥିଲେ କି ଏହି ନିଷ୍ପତ୍ତିକୁ କେନ୍ଦ୍ର ସରକାର ପ୍ରତ୍ୟାହାର କରନ୍ତୁ। ଏଥିରେ ବହୁସଂଖ୍ୟକ ପିଡିପି କର୍ମୀ ଓ ନେତାମାନେ ଅଂଶଗ୍ରହଣ କରିଥିଲେ। ସେ ଧମକ ଦେଇଛନ୍ତି ଯେ ଏହା ବିରୁଦ୍ଧରେ ପିଡିପି ପ୍ରତ୍ୟେକ ବିଧାନସଭା କ୍ଷେତ୍ରରେ ପ୍ରତିବାଦ ସଭା କରିବ।