ଆଫଗାନିଙ୍କୁ ଅଧିକାର ପାଇଁ ଚିନ୍ତା କରୁଛ, କଶ୍ମୀରବାସୀଙ୍କ କଥା ଭାବୁନ ଏଭଳି କହି ଗୃହବନ୍ଦୀର ଅଭିଯୋଗ ଆଣିଲେ ମେହବୁବା
ଶ୍ରୀନଗର: ଜମ୍ମୁକଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ପିଡିପି ମୁଖ୍ୟ ମେହବୁବା ମୁଫତି ଅଭିଯୋଗ କରିଛନ୍ତି ଯେ ତାଙ୍କୁ ପୁଣି ଥରେ ଗୃହବନ୍ଦୀ କରି ରଖାଯାଇଛି। ମେହବୁବା ଟ୍ୱିଟରରେ ଏହି ସୂଚନା ଦେଇଛନ୍ତି ଏବଂ କେନ୍ଦ୍ର ସରକାରଙ୍କୁ ଘେରିଛନ୍ତି | ସେ କହିଛନ୍ତି ଯେ କଶ୍ମୀରରେ ସବୁକିଛି ସ୍ୱାଭାବିକ ବୋଲି ଦାବି ସମ୍ପୂର୍ଣ୍ଣ ମିଥ୍ୟା । ମେହବୁବା ମୁଫତି ଏହା ମଧ୍ୟ କହିଛନ୍ତି ଯେ ଆଫଗାନିସ୍ତାନବାସୀଙ୍କ ଅଧିକାରକୁ ନେଇ କେନ୍ଦ୍ର ସରକାର ଉଦବେଗ ପ୍ରକାଶ କରୁଛନ୍ତି କିନ୍ତୁ ଜାଣିଶୁଣି କଶ୍ମୀରବାସୀଙ୍କୁ ସେମାନଙ୍କ ଅଧିକାରରୁ ବଞ୍ଚିତ କରୁଛନ୍ତି। ଆଜି ମୋତେ ଗୃହବନ୍ଦୀ କରି ରଖାଯାଇଛି | ପ୍ରଶାସନ ପକ୍ଷରୁ କୁହାଯାଉଛି ଯେ ପରିସ୍ଥିତି ଭଲ ନାହିଁ |
ଏହା କଶ୍ମୀରରେ ସବୁକିଛି ଠିକ ବୋଲି କେନ୍ଦ୍ର ସରକାରଙ୍କ ଦାବିର ବାସ୍ତବତାକୁ ଦର୍ଶାଉଛି। ଟୁଇଟ୍ ସହିତ ମୁଫତି ଦୁଇଟି ଫଟୋ ମଧ୍ୟ ସେୟାର କରିଛନ୍ତି। ଗୋଟିଏ ଫଟୋରେ ପୁଲିସ ଗାଡି ଫାଟକ ସାମ୍ନାରେ ଠିଆ ହୋଇଛି ଏବଂ ଅନ୍ୟ ଫଟୋରେ କବାଟ ବନ୍ଦ ଅଛି |
GOI expresses concern for the rights of Afghan people but wilfully denies the same to Kashmiris. Ive been placed under house arrest today because according to admin the situation is far from normal in Kashmir. This exposes their fake claims of normalcy. pic.twitter.com/m6sR9vEj3S
— Mehbooba Mufti (@MehboobaMufti) September 7, 2021
ସେପଟେ ଜମ୍ମୁକଶ୍ମୀର ପୁଲିସ କହିଛି ଯେ ଅଧିକାଂଶ ଅଞ୍ଚଳରୁ ପ୍ରତିବନ୍ଧକ ପ୍ରତ୍ୟାହାର କରାଯାଇଛି। ପୁଲିସ କହିଛି ଯେ ଇଣ୍ଟରନେଟ୍ ମଧ୍ୟ କାର୍ଯ୍ୟକ୍ଷମ ହୋଇପାରିଛି ଏବଂ ବର୍ତ୍ତମାନ କଶ୍ମୀରର ଅବସ୍ଥା ସ୍ୱାଭାବିକ ରହିଛି | ସୂଚନା ଥାଉ କି କଶ୍ମୀରର ବିଚ୍ଛିନ୍ନତାବାଦୀ ନେତା ସୟଦ ଅଲି ଶାହା ଗିଲାନୀଙ୍କ ମୃତ୍ୟୁ ପରେ ଇଣ୍ଟରନେଟ୍ ଏବଂ ମୋବାଇଲ୍ ସେବା ବନ୍ଦ ରଖାଯାଇଥିଲା।