ଅହମଦାବାଦ: ଗୁଜୁରାଟ ସୁରଟରେ ତାତିଲା ବ୍ୟବସାୟୀ ସଂଘ କୌଣସି ପରିସ୍ଥିତିରେ ବି କିନ୍ନରମାନଙ୍କୁ ବଜାରରେ ପ୍ରବେଶ ନ କରାଇଦେବାକୁ ଦାବି କରିଛି | ଯାହାକୁ ନେଇ ପୋଷ୍ଟର ଜାରି କରାଯାଇଛି | ଏହି ପୋଷ୍ଟରରେ ଲେଖାଯାଇଛି ଯେ ‘ମାର୍କେଟରେ କିନ୍ନରଙ୍କୁ ନୋ ଏଣ୍ଟ୍ରି’ | ଏଠାରେ ସୂଚନା ଥାଉ କି କିନ୍ନରଙ୍କ ଦ୍ୱାରା ସୁରଟର ଏକ ମାର୍କେଟରେ ଜଣଙ୍କୁ ପିଟିପିଟି ହତ୍ୟା କରାଯିବା ପରେ ବ୍ୟବସାୟୀ ସଂଘ ପକ୍ଷରୁ ଏଭଳି ନିଷ୍ପତ୍ତି ନିଆଯାଇଛି |
Sambad is now on WhatsApp
Join and get latest news updates delivered to you via WhatsApp
ଏହାକୁ ନେଇ ବ୍ୟବସାୟୀ ସଂଘର ସଭାପତି କହିଛନ୍ତି ଯେ କିନ୍ନରମାନେ ଲୋକଙ୍କୁ ହଇରାଣ କରୁଥିବାବେଳେ ଯେ ପର୍ଯ୍ୟନ୍ତ ତାଙ୍କ ଉପରେ ପ୍ରତିବନ୍ଧକ ନ ଲଗାଯାଏ ସେ ପର୍ଯ୍ୟନ୍ତ ସେମାନେ କିଛି ଶିଖିପାରିବେନି |
ତେବେ କିନ୍ନର ସମୁଦାୟ ପକ୍ଷରୁ କୁହାଯାଇଛି ଯେ ଏଭଳି ବ୍ୟାନ ଲଗାଯିବା ଦ୍ୱାରା ସେମାନେ କିଭଳି ଗୁଜୁରାଣ ମେଣ୍ଟାଇବେ | କୌଣସି ସ୍ୱତନ୍ତ୍ର ଉତ୍ସବରେ ମାର୍କେଟରୁ ଟଙ୍କା ସଂଗ୍ରହ କରି ସେଥିରେ ବଞ୍ଚିଥାନ୍ତି | ଜଣେ ସଦସ୍ୟଙ୍କ ଭୁଲ ଯୋଗୁଁ ସମ୍ପୂର୍ଣ୍ଣ କିନ୍ନର ସମ୍ପ୍ରଦାୟଙ୍କ ଉପରେ ବ୍ୟାନ ଲଗାଇବା କେତେ ଦୂର ଯୁକ୍ତିଯୁକ୍ତ ବୋଲି କହିଛନ୍ତି |