ନୂଆଦିଲ୍ଲୀ: ଚଳିତ ମାସ ୪ ତାରିଖରେ ଟାଟା ଗ୍ରୁପ୍ର ପୂର୍ବତନ ଅଧ୍ୟକ୍ଷ ତଥା ବ୍ୟବସାୟ ଟାଇକୁନ୍ ସାଇରସ୍ ମିସ୍ତ୍ରୀଙ୍କର ଏକ ସଡ଼କ ଦୁର୍ଘଟଣାରେ ମୃତ୍ୟୁ ହୋଇଯାଇଥିଲା | ଦୁର୍ଘଟଣା ବେଳେ ସେ ଏକ ମର୍ସିଡିଜ୍ ଜିଏଲସି ୨୦୦ଡି କାରରେ ଥିଲେ | ୬୨ ଲକ୍ଷ ଟଙ୍କା ମୂଲ୍ୟର ଏହି କାରରେ ୭ଟି ଏୟାରବ୍ୟାଗ ଥିଲା | ଏହି ଦୁର୍ଘଟଣା ପରେ ମର୍ସିଡିଜ କାରକୁ ନେଇ ଚର୍ଚ୍ଚା ଜୋର ଧରିଥିଲା | ତେବେ ବର୍ତ୍ତମାନ ପୁଣି ଏକ ଦୁର୍ଘଟଣାକୁ ନେଇ ପୁଣି ଥରେ ଏହି କାର କମ୍ପାନି ଚର୍ଚ୍ଚାର ପରିସରକୁ ଆସିଛି | ତେବେ ଏଥର ମାମଲା ସମ୍ପୂର୍ଣ୍ଣ ଅଲଗା । ବାସ୍ତବରେ ଆନ୍ଧ୍ରପ୍ରଦେଶର ତିରୁପତିଠାରେ ଏକ ଟ୍ରାକ୍ଟର ଏବଂ ମର୍ସିଡିଜ-ବେଞ୍ଜ ଜେଡ କାର ମଧ୍ୟରେ ଧକ୍କା ହୋଇଥିଲା। ଏହି ଦୁର୍ଘଟଣାରେ ଟ୍ରାକ୍ଟରଟି ଦୁଇ ଭାଗରେ ଭାଙ୍ଗି ଯାଇଥିବାବେଳେ କାରରେ ଥିବା ସମସ୍ତ ଲୋକ କେବଳ ସାମାନ୍ୟ ଆହତ ହୋଇଥିଲେ।
Sambad is now on WhatsApp
Join and get latest news updates delivered to you via WhatsApp
मर्सिडीज से टक्कर के बाद दो हिस्सों में टूट गया ट्रैक्टर…
घटना के बाद लोगों को ‘साइरस मित्री’ की याद आ गई…
Location: Near #Tirupati, #Andhraprdesh, #India pic.twitter.com/2jQaNJMbm5
— Gurmeet Singh, IIS 🇮🇳 (@Gurmeet_Singhhh) September 27, 2022
ସୋମବାର ଦିନ ମର୍ସିଡିଜ୍ କାର ଏବଂ ଟ୍ରାକ୍ଟର ଦୁର୍ଘଟଣା ଘଟିଥିଲା । ତିରୁପତି ନିକଟ ଚନ୍ଦ୍ରଗିରି ବାଇପାସ୍ ରାସ୍ତାରେ ଏହି ଦୁର୍ଘଟଣା ଘଟିଥିଲା । ମିଳିଥିବା ସୂଚନା ମୁତାବକ କର୍ଣ୍ଣାଟକର ଏହି ମର୍ସିଡିଜ୍ ଜିଏଲଇ ୪୫୦ କାର୍ ଦ୍ରୁତଗତିରେ ଯାଉଥିବାବେଳେ ହଠାତ୍ ଭୁଲ୍ ପାର୍ଶ୍ୱରେ ଚାଲୁଥିବା ଏକ ଟ୍ରାକ୍ଟର ଏହି କାର ସାମ୍ନାକୁ ଆସିଯାଇଥିଲା | ଏଭଳି ପରିସ୍ଥିତିରେ ଟ୍ରାକ୍ଟର ଏବଂ ମର୍ସିଡିଜ୍ ମଧ୍ୟରେ ଧକ୍କା ହୋଇଥିଲା। ଏହି ଧକ୍କା ଏତେ ଜୋରଦାର ଥିଲା ଯେ ଟ୍ରାକ୍ଟର ଦୁଇଟି ଭାଗରେ ଭାଙ୍ଗିଯାଇଥିଲା | ଏହି ଦୁର୍ଘଟଣାରେ ଟ୍ରାକ୍ଟର ଡ୍ରାଇଭର ଆହତ ହୋଇଛନ୍ତି। ମର୍ସିଡିଜ୍ ଭିତରେ ବସିଥିବା ଯାତ୍ରୀମାନେ ସାମାନ୍ୟ ଆହତ ହୋଇଥିଲେ। ଏହି ଦୁର୍ଘଟଣାର ଏକ ୩୮ ସେକେଣ୍ଡ୍ ଭିଡିଓ ଏବେ ଭାଇରାଲ ହୋଇଥିବାବେଳେ ଭିଡିଓରେ ଆପଣ ଦେଖିପାରିବେ ଯେ ମର୍ସିଡିଜ୍ ବେଞ୍ଜ୍ କାରର ଆଗ ଭାଗ ଅଳ୍ପ ନଷ୍ଟ ହୋଇଛି | କିନ୍ତୁ ଟ୍ରାକ୍ଟରଟି ଦୁଇ ଖଣ୍ଡରେ ଭାଙ୍ଗିଯାଇଛି। ଟ୍ରାକ୍ଟରର ଇଞ୍ଜିନ ଅଂଶ ଗୋଟିଏ ପଟେ ପଡିଥିବାବେଳେ ଡ୍ରାଇଭର ସିଟ୍ ଅଂଶ ଅନ୍ୟ ପଟେ ପଡିଛି |