୮୭ ସାମରିକ ପ୍ରତିଷ୍ଠାନ ଧ୍ବସ୍ତ, ୫୦୦ରୁ ଅଧିକ ସୈନିକ ନିହତ ଆଶଙ୍କା

ମସ୍କୋ: ରୁଷ୍‌-ୟୁକ୍ରେନ୍‌ ଯୁଦ୍ଧ ୨ ମାସରୁ ଅଧିକ ସମୟ ଧରି ଚାଲିଥିବା ବେଳେ ଉଭୟ ପକ୍ଷର ବ୍ୟାପକ କ୍ଷୟକ୍ଷତି ହୋଇଛି । ଗତ ରାତିରେ ରୁଷ୍‌ର ପ୍ରଚଣ୍ଡ ବିମାନ ଆକ୍ରମଣରେ ପ୍ରାୟ ୮୭ଟି ସାମରିକ ପ୍ରତିଷ୍ଠାନ କ୍ଷତିଗ୍ରସ୍ତ ହୋଇଛି ଏବଂ ଏଥିରେ ୫ ଶହରୁ ଅଧିକ ୟୁକ୍ରେନ୍‌ ସୈନିକ ନିହତ ହୋଇଥିବା ରୁଷ୍‌ ଦାବି କରିଛି। ୟୁକ୍ରେନ୍‌ ଏ ନେଇ କିଛି ସ୍ପଷ୍ଟ କରିନାହିଁ। ଡେନେସ୍କ ଓ ଲୁହାଂସ୍କ ଅଞ୍ଚଳକୁ ପୂର୍ଣ୍ଣ ସ୍ବାଧୀନ କରିବା ପାଇଁ ରୁଷ୍‌ ଏବେ ନିର୍ଣ୍ଣାୟକ ଯୁଦ୍ଧରେ ଅବତୀର୍ଣ୍ଣ ହୋଇଛି ଏବଂ ସପ୍ତାହକ ମଧ୍ୟରେ ସେଠାରେ ବହୁତ ବଡ଼ ପରିବର୍ତ୍ତନ ଆସିବ ବୋଲି କୁହାଯାଉଛି । ୟୁକ୍ରେନ୍‌ ସୈନିକ ନାଟୋ ରାଷ୍ଟ୍ରମାନଙ୍କଠାରୁ ପାଇଥିବା ଅସ୍ତ୍ର ସହାୟତାରେ ଯୁଦ୍ଧ ଲମ୍ବାଇବାକୁ ଚାହୁଥିବା ବେଳେ ରୁଷ୍‌ ଯଥାସମ୍ଭବ କମ୍‌ ସମୟରେ ଏହି ଅଂଚଳକୁ ୟୁକ୍ରେନ୍‌ରୁ ମୁକ୍ତ କରିବାକୁ ଚାହୁଛି।

ସମ୍ବନ୍ଧିତ ଖବର