ଭାରତ-ଆମେରିକା ମଧ୍ୟରେ ମିନି ବାଣିଜ୍ୟ ଚୁକ୍ତି ଚୂଡ଼ାନ୍ତ

ନୂଆଦିଲ୍ଲୀ: ମଙ୍ଗଳବାର ରାତିରେ ଭାରତ ଏବଂ ଆମେରିକା ମଧ୍ୟରେ ଏକ "ମିନି ବାଣିଜ୍ୟ ଚୁକ୍ତି" ଘୋଷଣା ହୋଇପାରେ। ତେବେ ଦୁଇ ଦେଶ ମଧ୍ୟରେ ଆଉ କିଛି ଆଲୋଚନା ପରେ ଚଳିତ ବର୍ଷ ଶେଷ ଆଡ଼କୁ ସଂପୂର୍ଣ୍ଣ ବାଣିଜ୍ୟ ଚୁକ୍ତି ହୋଇପାରେ । 

ସୂଚନା ଅନୁଯାୟୀ, ଏହି ମିନି (ଛୋଟ) ବାଣିଜ୍ୟ ଚୁକ୍ତି ଭାରତ ପାଇଁ ଲାଭଦାୟକ ହେବ। କେନ୍ଦ୍ର ବାଣିଜ୍ୟ ଏବଂ ଶିଳ୍ପ ମନ୍ତ୍ରୀ ପୀୟୁଷ ଗୋୟଲ କହିଛନ୍ତି ଯେ ନରେନ୍ଦ୍ର ମୋଦୀ ସରକାରଙ୍କ ପ୍ରଥମ ଉଦ୍ଦେଶ୍ୟ ହେଉଛି ଭାରତର ସ୍ୱାର୍ଥକୁ ସୁରକ୍ଷା ଦେବା, ଯେକୌଣସି ଦେଶ ସହିତ ବାଣିଜ୍ୟ ଚୁକ୍ତିନାମା ହେଉ ନା କାହିଁକି।

ସେ କହିଛନ୍ତି, "ଯେଉଁ ମୁକ୍ତ ବାଣିଜ୍ୟ ଚୁକ୍ତିନାମା କରାଯିବ, ତାହା ଜମ୍ମୁ ଏବଂ କାଶ୍ମୀର ଏବଂ ସମଗ୍ର ଭାରତର ସ୍ୱାର୍ଥକୁ ଧ୍ୟାନରେ ରଖି କରାଯିବ। ଆଜି ବିଶ୍ୱ ଭାରତକୁ ବାଣିଜ୍ୟ ଏବଂ ଶିଳ୍ପରେ ଏକ ନିର୍ଭରଯୋଗ୍ୟ ଅଂଶୀଦାର ଭାବରେ ଦେଖେ। ଲୋକମାନେ ବିଶ୍ୱାସ କରନ୍ତି ଯେ ଭାରତ ଏବଂ ଭାରତୀୟମାନେ ସଚ୍ଚୋଟ ଭାବରେ ବ୍ୟବସାୟ କରନ୍ତି। ଏହି କାରଣରୁ ଆଜି ବିଶ୍ୱ ଭାରତ ସହିତ ବାଣିଜ୍ୟ ବୃଦ୍ଧି କରିବାକୁ ଚାହୁଁଛି। ବିଶ୍ୱର ସମସ୍ତ ବିକଶିତ ଦେଶ ଦ୍ୱିପାକ୍ଷିକ ବାଣିଜ୍ୟ ବୃଦ୍ଧି ପାଇଁ ଭାରତ ସହିତ ଚୁକ୍ତିନାମା କରିବାକୁ ଚାହାଁନ୍ତି।"