ହୁତି ବିଦ୍ରୋହୀଙ୍କ କ୍ଷେପଣାସ୍ତ୍ର ମାଡରୁ ଅଳ୍ପକେ ବର୍ତ୍ତିଲା ଭାରତରୁ ଯାଉଥିବା ଜାହାଜ

ଦୋହା: ମଧ୍ୟପ୍ରାଚ୍ୟରେ ଇସ୍ରାଏଲ ଓ ହମାସ ମଧ୍ୟପେ ସଂଘର୍ଷ ଜାରି ରହିଥିବାବେଳେ ୟେମେନରେ ଥିବା ହୁତି ବିରୋଧୀମାନେ ଲୋହିତ ସାଗରରେ ଯାଉଥିବା ଜାହାଜଗୁଡ଼ିକୁ ଟାର୍ଗେଟ କରି କ୍ଷେପଣାସ୍ତ୍ର ମାଡ଼ କରୁଛନ୍ତି ।

ୟେମେନର ହୁତି ନିୟନ୍ତ୍ରିତ ଅଞ୍ଚଳରୁ ନିକ୍ଷେପ କରାଯାଇଥିବା ଦୁଇଟି କ୍ଷେପଣାସ୍ତ୍ର ବୁଧବାର ବାବ୍ ଅଲ୍-ମାଣ୍ଡେବ ଷ୍ଟ୍ରେଟ୍ ନିକଟରେ ଏକ ବାଣିଜ୍ୟିକ ଟ୍ୟାଙ୍କର ନିକଟରେ ପଡ଼ିଥିଲା ବୋଲି ଜଣେ ଆମେରିକୀୟ ଅଧିକାରୀ ଏହି ସୂଚନା ଦେଇଛନ୍ତି। ଘଟଣା ସମୟରେ ଆମେରିକୀୟ ଯୁଦ୍ଧ ଜାହାଜ ନିଜ ଆଡ଼କୁ ଆସୁଥିବା ସନ୍ଦିଗ୍ଧ ହୁଥି ଡ୍ରୋନକୁ ଖସାଇ ଦେଇଥିଲା।

ବ୍ୟବସାୟିକ ଟ୍ୟାଙ୍କରଟି ଏକ ତୈଳ ଓ ରାସାୟନିକ ଟ୍ୟାଙ୍କର ଥିଲା ଏବଂ ଏହାର ନାମ ଥିଲା 'ଆର୍ଡମୋର ଏନ୍କାଉଣ୍ଟର' ଯାହା ମାର୍ଶଲ ଦ୍ୱୀପପୁଞ୍ଜ ପାଇଁ ପତାକା ଦେଖାଇ ଲାଲ ସାଗରର ସୁଏଜ୍ କେନାଲ ଅଭିମୁଖେ ଯାତ୍ରା କରିଥିଲା। ମିଳିଥିବା ସୂଚନା ଅନୁଯାୟୀ, ଜାହାଜଟି ଭାରତରୁ ଆସୁଥିଲା ଏବଂ ଏଥିରେ ସଶସ୍ତ୍ର ସୁରକ୍ଷା କର୍ମୀ ଥିଲେ। ଜାହାଜ ଚଳାଉଥିବା ଆର୍ଡମୋର ସିପିଂ କର୍ପସ ପକ୍ଷରୁ ଏ ନେଇ କୌଣସି ପ୍ରତିକ୍ରିୟା ମିଳିପାରିନାହିଁ। ବର୍ତ୍ତମାନ ସୁଦ୍ଧା କୌଣସି ସଂଗଠନ ଏହି ଆକ୍ରମଣ ପାଇଁ ନିଜକୁ ଦାୟୀ କରିନାହାନ୍ତି। ସେହିପରି ଇସ୍ରାଏଲ ପକ୍ଷରୁ ବି ଏ ନେଇ କୌଣସି ପ୍ରତିକ୍ରିୟା ଆସିନାହିଁ ।