ନିଖୋଜର ୫ଦିନ ପରେ ମଧ୍ୟ ଭାରତୀୟ ବାୟୁସେନା ବିମାନ ଏଏନ୍-୩୨ ମିଳୁନି ପତ୍ତା, ତଲାସି ଅଭିଯାନରେ ସାମିଲ ହେଲା ନୌସେନାର ପି୮ଆଇ ବିମାନ
ନୂଆଦିଲ୍ଲୀ : ଜୁନ୍-୩ ତାରିଖରେ ହଠାତ ଆକାଶ ମାର୍ଗରୁ ନିଖୋଜ ହୋଇ ଯାଇଥିଲା ବାୟୁସେନା ବିମାନ ଏଏନ୍-୩୨ । ନିଖୋଜ ପରେ ପରେ ଏହାର ତଲାସି ଅଭିଯାନକୁ ଆଜି ୫ଦିନ ପୁରିଥିଲେ ମଧ୍ୟ ଏ ପର୍ଯ୍ୟନ୍ତ ବିମାନର କୌଣସି ପତ୍ତା ମିଳି ପାରି ନାହିଁ । ତେବେ ୫ଦିନ ପରେ ମଧ୍ୟ କୌଣସି ପତ୍ତା ନ ମିଳିବାରୁ ଭାରତୀୟ ନୌସେନା ପକ୍ଷରୁ ବିମାନ ପି୮ଆଇକୁ ସାମିଲ କରାଯାଇଛି । ଯିଏ ନିଜର ବିଶେଷ ରାଡାର ଏବଂ ସେନ୍ସର ସାହାଯ୍ୟରେ ବିମାନ ଏଏନ୍-୩୨ ଖୋଜିବାରେ ସଫଳ ହେବ ବୋଲି କୁହାଯାଇଛି ।
Sambad is now on WhatsApp
Join and get latest news updates delivered to you via WhatsApp
Indian Navy: Long Range Maritime Reconnaissance aircraft P8I airborne from INS Rajali, Arakonam, Tamil Nadu for the ongoing search operations for missing AN32. It will carry out search using its special radars and sensors for locating the plane.
— ANI (@ANI) June 7, 2019
ସୂଚନା ମୁତାବକ, ସୋମବାର ୩୩ଜଣଙ୍କୁ ନେଇ ବାୟୁସେନା ବିମାନ ଏଏନ୍-୩୨ ମେଞ୍ଚୁକା ଅଭିମୁଖେ ଉଡ଼ାଣ ଭରିଥିଲା । ଆସାମର ଜୋର୍ହାଟରୁ ଉଡ଼ାଣ ଭରିବାର ୩୩ମିନିଟ୍ ପରେ ବିମାନଟ ରାଡାରରୁ ନିଖୋଜ ହୋଇ ଯାଇଥିଲା ବିମାନ । ଦିନ ୧୨ଟା ୨୭ମିନିଟ୍ରେ ବିମାନଟି ଉଡ଼ାଣ ଭରିଥିବା ବେଳେ ଦିନ ୧ଟାରେ ବିମାନ ସହ ଯୋଗାଯୋଗ ବିଚ୍ଛିନ୍ନ ହୋଇ ଯାଇଥିଲା ।