ନିଖୋଜ ହେଲେ ବିଜେପି ସାଂସଦ ଗୌତମ ଗମ୍ଭୀର!
ନୂଆଦିଲ୍ଲୀ: ଭାରତର ପୂର୍ବତନ କ୍ରିକେଟର ତଥା ଭାରତୀୟ ଜନତା ପାର୍ଟିର ଲୋକସଭା ସାଂସଦ ଗୌତମ ଗମ୍ଭୀର ଏବେ ନିଖୋଜ ହୋଇ ଯାଇଛନ୍ତି। ଖବରଟି ପ୍ରସାର ହେବା ପରେ ଲୋକେ ଏହାକୁ ଶୁଣି ଆଶ୍ଚର୍ଯ୍ୟ ହେଉଥିବା ବେଳେ ତାଙ୍କର ନିଖୋଜ ହେବାର ଏକ ପୋଷ୍ଟର ଏବେ ଭାଇରାଲ ହେବାରେ ଲାଗିଛି। ପୂର୍ବ ଦିଲ୍ଲୀରୁ ବିଜେପିର ସାଂସଦ ଥିବା ଗୌତମ ଗମ୍ଭୀରଙ୍କ ନିଖୋଜ ହେବାର ଫଟୋ ଦିଲ୍ଲୀର ଆଇଟିଓ ଅଞ୍ଚଳରେ ଥିବା ଗଛରେ ଲଗାଯାଇଥିବା ଦେଖିବାକୁ ମିଳିଛି।
Delhi: Missing posters of BJP MP and former cricketer Gautam Gambhir seen in ITO area. He had missed the Parliamentary Standing Committee of Urban Development meeting, over air pollution in Delhi, on 15th November. pic.twitter.com/cIWBtszMYZ
— ANI (@ANI) November 17, 2019
ଗଛରେ ଲାଗିଥିବା ପୋଷ୍ଟରରେ ଲେଖାଯାଇଛି କି, ଆପଣ ଗୌତମ ଗମ୍ଭୀରଙ୍କୁ କେଉଁଠି ଦେଖିଛନ୍ତି କି? ଶେଷ ଥର ପାଇଁ ତାଙ୍କୁ ଇନ୍ଦୋରରେ ଜିଲାପି ଖାଉଥିବାର ଦେଖାଯାଇଥିଲା। ସେବେଠାରୁ ସେ ନିଖୋଜ ଅଛନ୍ତି। ପୂରା ଦିଲ୍ଲୀ ତାଙ୍କୁ ଖୋଜୁଛି। ସୂଚନା ମୁତାବକ, ଦିଲ୍ଲୀରେ ପ୍ରଦୂଷଣର ମାତ୍ରା ବଢ଼ୁଥିବା ଦେଖି ଆଲୋଚନା ପାଇଁ ଏକ ବୈଠକର ଆୟୋଜନ କରାଯାଇଥିଲା। କିନ୍ତୁ ଗୌତମ ଗମ୍ଭୀର ବୈଠକରେ ଉପସ୍ଥିତ ନ ରହି ଇନ୍ଦୋରରେ ଭାରତ-ନ୍ୟୁଜଲାଣ୍ଡ ମଧ୍ୟରେ ଖେଳା ଯାଉଥିବା ଟେଷ୍ଟ ମ୍ୟାଚରେ କମେଣ୍ଟ୍ରୀ କରୁଥିବାର ନଜର ଆସିଥିଲେ। ଯାହାକୁ ନେଇ ବିରୋଧି ଦଳ ଅଭିଯୋଗ କରିଥିଲା।